الماتى زووباعىنداعى الكور اتتى اق ايۋ 30 عا تولدى
الكور نەمەسە كوليا ەسىمدى اق ايۋ بۇگىن 30 جاسقا تولدى. ادام ومىرىمەن ولشەيتىن بولساق، 100-گە كەلدى. زەرتتەۋلەرگە سايكەس، تابيعات اياسىندا اق ايۋلار 20 جاسقا دەيىن، ۇرعاشىلارى 25-30 جاسقا دەيىن ءومىر سۇرەدى.
الكور 1989 -جىلى كالينينگراد زووباعىندا تۋعان. 1990 -جىلدان بەرى الماتى زووباعىندا ءومىر ءسۇرىپ كەلەدى.
«بۇعان دەيىن الكوردىڭ ۇرعاشى «قۇربىسى» كريستينا بار بولاتىن. بۇل جانۋار دا ۇزاق ءومىر ءسۇردى. ەكەۋىنەن ۋمكا ەسىمدى قونجىق بار. قازىر ۋمكا چەح زووباعىندا تۇرىپ جاتىر»، - دەيدى الماتى زووباعىنىڭ وكىلى ميحايل سوروكوۋموۆ.
حايۋاناتتار باعىنىڭ باس ۆەتەرينار مىندەتىن اتقارۋشى الينا چيميرۋك اق ايۋدىڭ ازىعى تۋرالى ايتتى.
«الكوردىڭ جاسىن ەسكەرىپ وعان ارنايى اس ءمازىرىن دايىندايمىز. كوبىنە ءتۇرلى بوتقالار، بالىق، بالىق مايىن بەرەمىز. ول ەتتى وتە جاقسى كورەدى. سونىمەن قاتار، كوكونىس پەن جەمىس- جيدەك جەيدى. ۇنەمى ۆەتەرينار دارىگەردىڭ باقىلاۋىندا»، - دەدى ول.
فوتو: ميحايل سوروكوۋموۆ
اۆتور الما مۇقانوۆا