+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

سوزىلمالى وكپە اۋرۋىنان كوز جۇماتىندار سانى 30 پايىزعا ءوسۋى مۇمكىن

21 قاراشا 09:58
:ءبولىسۋ
سوزىلمالى وكپە اۋرۋىنان كوز جۇماتىندار سانى 30 پايىزعا ءوسۋى مۇمكىن

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ باستاماسى بويىنشا قاراشانىڭ ەكىنشى نەمەسە ءۇشىنشى اپتاسىنىڭ سارسەنبىسىندە الەمنىڭ 50 دەن استام ەلدەرىندە «سوزىلمالى وبسترۋكتيۆتى وكپە اۋرۋىنا قارسى دۇنيەجۇزىلىك كۇرەس كۇنى» اتالىپ وتەدى، دەپ حابارايدى قازاقپارات كارديولوگيا جانە ىشكى اۋرۋلار ع ز ي باسپا ءسوز قىزمەتىنە سىلتەمە جاساپ.

«سوزىلمالى وبسترۋكتيۆتى وكپە اۋرۋى تۋرالى مالىمەتتى حالىققا جەتكىزۋ جانە پاتسيەنتتەرگە كورسەتىلەتىن كومەكتى جاقسارتۋ بويىنشا قازاقستاندا ءبىرقاتار ءىس-شارالار جۇرگىزىلىپ جاتىر. دەنساۋلىق ساقتاۋ ماماندارى مەديتسينالىق زەرتتەۋلەردى، پروفيلاكتيكالىق جانە اقپاراتتىق ءىس- شارالاردى، تەمەكى شەگۋگە قارسى كۇرەسكە باعىتتالعان ءارتۇرلى اكسيالاردى جۇرگىزۋدە»، - دەيدى كارديولوگيا جانە ىشكى اۋرۋلار ع ز ي-نىڭ كارديوتەراپيا قىزمەتىنىڭ باسشىسى ساۋلە قاسەنوۆا.

بۇل كۇننىڭ ماقساتى - سوزىلمالى وبسترۋكتيۆتى وكپە اۋرۋى تۋرالى حالىقتى اقپاراتتاندىرۋ دەڭگەيىن كوتەرۋ، وسى اۋرۋدىڭ الدىن الۋ جانە ەمدەۋ ادىسىمەن تانىستىرۋ بولىپ تابىلادى.

«سوزىلمالى وبسترۋكتيۆتىك وكپە اۋرۋى دەگەن - وكپەنىڭ بۇزىلۋىنا ىقپال ەتەتىن بولشەكتەر مەن گازداردى جۇتۋ سەبەبىنەن وكپەنىڭ سوزىلمالى قابىنۋىنا اكەلەتىن جانە داميتىن اۋرۋ. ەنتىگۋ، جوتەلۋ جانە قاقىرۋ وسى دەرتتىڭ بەلگىلەرىنە جاتادى»، - دەيدى پروفەسسور ساۋلە قاسەنوۆا.

دارىگەرلەردىڭ بولجامى بويىنشا، ەگەر بۇل اۋرۋدىڭ الدىن الۋ ءۇشىن جۋىق ارادا ءىس- شارالار قابىلدانباسا، وندا اتالعان دەرتتەن ءولىم-ءجىتىم سانى ون جىل ىشىندە %30 ءوسۋى مۇمكىن.

«اۋرۋدىڭ نەگىزگى سەبەپتەرىنە - شىلىم شەگۋ، تەمەكى ءتۇتىنى، شاڭ، گاز، ءتۇتىن ارقىلى اۋانىڭ لاستانۋى، كاسىپكە بايلانىستى كەلتىرىلەتىن زالالدار جاتادى»، - دەيدى مامان.

اۆتور: زارينا قاھارمان


باستى سوزدەر: الةم, دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات