+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

قازاقستاندا الەۋمەتتىك تولەم مولشەرلەرى 30 پايىزعا ارتادى

12 ماۋسىم 16:37 889
:ءبولىسۋ
قازاقستاندا الەۋمەتتىك تولەم مولشەرلەرى 30 پايىزعا ارتادى

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «مىندەتتى الەۋمەتتىك ساقتاندىرۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدىى قازاقپارات ءتىلشىسى.

زاڭ جوباسىنىڭ نەگىزگى ماقساتى - ەڭبەك ءوتىلى مەن الەۋمەتتىك تولەم مولشەرىنىڭ اراسىنداعى ءوزارا بايلانىستى كۇشەيتۋ، سونداي- اق 2020 -جىلدان باستاپ ەڭبەك ەتۋ قابىلەتىنەن، اسىراۋشىسىنان جانە جۇمىسىنان ايىرىلۋى بويىنشا الەۋمەتتىك تولەم مولشەرلەرىن ورتاشا ەسەپپەن 30 پايىزعا ارتتىرۋدى قامتاماسىز ەتۋ.

«وسى ماقساتتارعا قول جەتكىزۋ ءۇشىن زاڭ جوباسىندا مەملەكەتتىك الەۋمەتتىك ساقتاندىرۋ قورىنان تولەنەتىن 3 ءتۇرلى الەۋمەتتىك تولەمدەردى تاعايىنداۋ پارامەترلەرىن قايتا قاراستىرۋ كوزدەلگەن. بىرىنشىدەن، ەڭبەك ءوتىلى 5  جىلدان اساتىن تولەم الۋشىلار ءۇشىن جۇيەگە قاتىسۋ ءوتىلىنىڭ كوەففيسيەنتىن قايتا قاراۋ ۇسىنىلادى. بۇل كوەففيسيەنت 3 الەۋمەتتىك تولەمنىڭ مولشەرىن ايقىنداۋ كەزىندە قولدانىلادى. بۇگىنگى كۇنى 5  جىل جانە ودان كوپ ءوتىلى بار ازاماتتار ءۇشىن بىردەي كوەففيسيەنت (1,0) قولدانىلىپ كەلەدى. وسىلايشا جۇيەگە 5 جىلدان كوپ قاتىسقان ادامدى ىنتالاندىرۋ تەتىگى قاراستىرىلماعان. جۇيەگە نەعۇرلىم كوپ قاتىسۋدى ىنتالاندىرۋ ءۇشىن 5 جىلدان ارتىق قاتىسۋ ءوتىلى بار ازاماتتارعا ءاربىر ەڭبەك ەتكەن تولىق ءبىر جىلى ءۇشىن كوەففيتسيەنتتى 2 پايىزعا ارتتىرۋ ۇسىنىلادى» ، - دەدى ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ.

بەلگىلى بولعانداي، 2018 -جىلى مىندەتتى الەۋمەتتىك ساقتاندىرۋ جۇيەسىنە 5  جىلدان كوپ قاتىسقان ازاماتتار سانى 3,4 ميلليون ادامدى نەمەسە قاتىسۋشىلاردىڭ جالپى سانىنىڭ (6,1 ميلليون ادام) 55 پايىزىن قۇرادى. سوندىقتان، بۇل وزگەرىس تولەم الۋشىلارعا وڭ اسەرىن تيگىزەتىن بولادى.

 «ەكىنشىدەن، مۇگەدەكتىگى بار ادامداردىڭ الەۋمەتتىك قورعالۋ دەڭگەيىن ارتتىرۋ ماقساتىندا ەڭبەك ەتۋ قابىلەتىنەن ايىرىلۋى بويىنشا الەۋمەتتىك تولەمنىڭ مولشەرىن تىكەلەي مەديتسينالىق- الەۋمەتتىك ساراپتاما نەگىزىندە بەلگىلەنگەن جالپى ەڭبەك ەتۋ قابىلەتىنەن ايىرىلۋ دەڭگەيىنە (%30 دان %100 عا دەيىن) سايكەس انىقتاۋ ۇسىنىلادى. بۇگىنگى كۇنى ەڭبەك ەتۋ قابىلەتىنەن ايىرىلۋدىڭ ورتاشا كوەففيسيەنتى قولدانىلادى، ياعني مۇگەدەكتىگى بار ادامداردىڭ ناقتى قاجەتتىلىگى ەسكەرىلمەيدى. زاڭ جوباسىندا وسى ماسەلەنى رەتتەۋ كوزدەلگەن. ماسەلەن، 65 پايىزعا بەرىلسە، كوەففيتسيەنت - 0,65, 80 پايىزعا - 0,8, ال 100 پايىزعا بەرىلسە، كوەففيتسيەنت 1 گە تەڭ بولادى» ، - دەدى مينيستر.

«مىسالى، ازاماتتىڭ ورتاشا ايلىق تابىسى 100 مىڭ تەڭگە. ول 7  جىل جۇمىس ىستەپ، الەۋمەتتىك اۋدارىمدارى تولەنگەن بولسا، وندا ەڭبەك ەتۋ قابىلەتىنەن 65 پايىزعا ايرىلعان جاعدايدا، الەۋمەتتىك تولەمنىڭ مولشەرى قولدانىستاعى فورمۋلا بويىنشا  22988 تەڭگەنى، ال زاڭ جوباسىنداعى جاڭا فورمۋلا بويىنشا  31080 تەڭگەنى (ءوسىم %35) قۇرايدى. بۇل تولەم مەملەكەتتىك الەۋمەتتىك ساقتاندىرۋ قورىنان جۇمىس ىستەپ، الەۋمەتتىك اۋدارىمدارى تولەنگەن ازاماتتارعا بەرىلەدى. وعان قوسا، بازالىق دەڭگەيدەن مۇگەدەكتىگى بويىنشا مەملەكەتتىك جاردەماقى قوسا تاعايىندالادى، 2- توپتاعى مۇگەدەك ءۇشىن ونىڭ مولشەرى بيىلعى جىلى  45438 تەڭگەنى قۇرايدى، سوندا تولەمنىڭ جالپى سوماسى ايىنا  76518 تەڭگە بولادى» ، - دەدى ب. ساپاربايەۆ.

وتكەن جىلدىڭ قورىتىندىسى بويىنشا جالپى ەڭبەك ەتۋ قابىلەتىنەن ايىرىلۋى بويىنشا الەۋمەتتىك تولەمدى الۋشىلار سانى 83,1 مىڭ ادامدى قامتىدى. تولەمنىڭ سوماسى 12,3 ميلليارد تەڭگەگەگە جەتتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات