ماماندار ءسابيدى 30 جاستان كەيىن بوسانۋ كەرەك ەكەنىن ايتتى
ماماندار ورتا جاسقا كەلىپ، بوسانۋدىڭ ءتيىمدى ەكەنىن العا تارتتى دەپ حابارلايدى woman.rambler. ru سايتى.
30 جاستان كەيىن بوسانۋدىڭ مىناداي ءتيىمدى جاقتارى بار:
ەموتسيونالدى جانە پسيحولوگيالىق دايىندىق
30 جاستاعى ايەلدەر انا بولۋعا اسا جاۋاپكەرشىلىكپەن قارايدى. ومىرلىك تاجىريبە بالا تاربيەسىندەگى قيىندىقتارمەن كۇرەسۋگە كومەكتەسەدى.
الەۋمەتتىك زەرتتەۋلەر 30 دان اسقان ايەلدەردىڭ ءوز بالالارىمەن جاقسى قارىم-قاتىناستا بولاتىنىن انىقتاعان. جاس ۇلعايعان سوڭ، ادامدار باسقالارعا توزىمدىلىك تانىتىپ، ولاردى تۇسىنۋگە تىرىسادى. بۇل جاستاعى انالار بالالارىن از ۇرىسادى.
دەنساۋلىق
2016-جىلعى ا ق ش زەرتتەۋلەرىنە سايكەس، 25 تەن كەيىن بوسانعان ايەلدەردىڭ 90 جاسقا جەتەتىنى انىقتالعان. ال 2014-جىلعى زەرتتەۋ 95 جاسقا كەلگەندەردىڭ 50 پايىزى 33 تەن كەيىن بوسانعانىن كورسەتتى.
شۆەتسياداعى زەرتتەۋ بويىنشا، ورتا جاستا بوسانعانداردىڭ بالالارى جاس انالاردىڭ بالالارىنا قاراعاندا اقىلدى ءارى دەنى ساۋ ەكەنى انىقتالدى.
قارجىلىق جاعى
30 جاستان اسقان ايەل قارجىلاي تاۋەلسىز بولادى. ءوز بالاسىن جاقسى تاماقتان باستاپ جاقسى وقۋ ورىنا دەيىن قامتاماسىز ەتە الادى. ادەتتە 30 جاستاعى ادامداردىڭ تۇراقتى جۇمىسى بار.
قارجىلىق ءال-اۋقات اتا-انانىڭ پسيحيكالىق جاعدايىنا قاتتى اسەر ەتەدى.
تابىس دەڭگەيى جوعارى بولعان سايىن، ەرتەڭگى كۇنگە دەگەن سەنىم ارتادى. قارجىلاي تاۋەلسىز انالار ءوزىن دەكرەتتىك دەمالىسپەن قامتاماسىز ەتىپ، بالانىڭ تاربيەسىنە الاڭسىز بەرىلە الادى.