اسىراۋشىسىنان ايىرىلعان ادامدارعا بەرىلەتىن الەۋمەتتىك تولەم 30 پايىزعا ارتادى
«وتكەن جىلى ءبىز الەۋمەتتىك قولداۋدىڭ اۋقىمىن ايتارلىقتاي ارتتىرا بىلدىك. ۇكىمەتكە 2020 -جىلدىڭ 1 -قاڭتارىنان باستاپ ەڭبەككە جارامدىلىق قابىلەتىن جوعالتقان، اسىراۋشىسىنان ايىرىلعان ادامدارعا بەرىلەتىن ورتاشا الەۋمەتتىك تولەمنىڭ مولشەرىن م ءا س ق ەسەبىنەن 30 پايىزعا دەيىن ارتتىرۋدى تاپسىرامىن. ءمادينا (ءابىلقاسىموۆا - اۆت. )، بۇل جۇمىستى جۇرگىزۋگە بولا ما؟»، - دەدى ۇكىمەتتىڭ كەڭەيتىلگەن وتىرىسىندا ەلباسى ەڭبەك جانە حالىقتى الەۋمەتتىك قورعاۋ مينيسترىنە.
ءوز كەزەگىندە ءمادينا ءابىلقاسىموۆا بۇل باعىتتا زاڭ جوباسى ازىرلەنگەنىن، ناۋرىز ايىندا پارلامەنتكە ەنگىزۋگە دايىن ەكەنىن ايتتى.
«سونىمەن بىرگە، مۇگەدەكتەردىڭ قۇقىعىن قورعاۋ ساپاسىن ارتتىرۋدىڭ ۇلتتىق جوسپارى دا بار ەمەس پە؟!»، - دەدى پرەزيدەنت.
ەڭبەك جانە حالىقتى الەۋمەتتىك قورعاۋ ءمينيسترى اتالمىش ۇلتتىق جوسپار قازاقستاندا تۇڭعىش رەت كەشەندى ينتەگراتسيالىق جوسپار رەتىندە جاسالىپ جاتقانىن جەتكىزدى.
«ول مۇگەدەكتىگى بار ادامداردىڭ قۇقىعىن قورعاۋ، ينكليۋزيۆتى ءبىلىم بەرۋ، جۇمىسقا ورنالاستىرۋ، كەدەرگىسىز ورتا، الەۋمەتتىك قىزمەتتەردىڭ ساپاسىن ارتتىرۋ سالالارىن قامتيدى»، - دەدى مينيستر.
ەسكە سالا كەتسەك، ۇكىمەت ۇيىندە ق ر پرەزيدەنتى نۇرسۇلتان نازاربايەۆتىڭ توراعالىعىمەن ۇكىمەتتىڭ كەڭەيتىلگەن قۇرامداعى وتىرىسى ءوتىپ ءوتتى.