ءومىردىڭ 30 قاعيداسى
2. 3 مينۋتتان دا از ۋاقىت الاتىن جۇمىسقا تاپ بولساڭىز، بىردەن ورىنداپ تاستاڭىز. ونى كەيىنگە قالدىرماڭىز.
3. شەشىمدەردى تەك قانا ءوزىڭىز قابىلداڭىز. وزگەلەردىڭ جەتەگىندە ءجۇرۋدىڭ قاجەتى جوق.
4. ءسىزدىڭ كۇلىمسىرەگەنىڭىزگە قاراپ باقىتتىڭ قۇشاعىندا جۇرگەن جاندار بار. وسىنى ەسىڭىزدە ساقتاڭىز.
5. ساياحاتتاڭىز! جىلىنا ەكى رەت بۇرىن سوڭدى بارىپ كورمەگەن جەرلەرگە بارىڭىز. ساياحاتتاردىڭ ارقاسىندا وزىڭىزگە نە كەرەگىن انىقتاۋىڭىزعا بولادى.
6. ادامدار مەن الدامشى ساتتەردى بوساتا ءبىلىڭىز. بولعان ءىس بولدى، تەك ونىڭ ءوتىپ كەتكەندىگىن قابىلداۋىڭىز قالدى. بوساتۋعا قينالساڭىز وزىڭىزگە «بۇنىڭ مەن ءۇشىن 5 -جىلدان كەيىن ماڭىزى بار ما؟» دەگەن سۇراقتى قويىڭىز.
7. تۇلعا بولىپ قالىپتاسۋعا تىرىسىڭىز. وزگەلەرمەن ەمەس، تەك وزىڭىزبەن عانا جارىسىڭىز.
8. سىرتقى كورىنىسىڭىزگە ءمان بەرىڭىز. ءاردايىم جاڭا كەزدەسۋلەر مەن جاڭا جەتىستىكتەرگە دايىن بولىڭىز. «بۇگىن كەزدەسۋگە دايىن ەمەسپىن. ەرتەرەك ايتقانىڭىزدا جاقسىلاپ دايىندالىپ كەلەتىن ەم» سەكىلدى سويلەمدەردى ايتپاڭىز.
9. تاعدىرعا وكپەلەپ، نازىڭىزدى ايتپاڭىز. ءجاي عانا ورىندالۋى ءتيىس ءىس- ارەكەتتەردى ورىنداڭىز.
10. مەديتاتسيا جاساپ ۇيرەنىڭىز. ول بوساڭسىپ، ويدى جيناقتاۋعا كومەكتەسەدى.
11. جوسپارىڭىز ويىڭىزداعىداي بولماي قالسا دا، كۇلىمسىرەي ءبىلىڭىز. كەيدە جوسپاردىڭ بۇزىلۋىنىڭ دا پايداسى تيەدى.
12. «جوق» دەپ ايتىپ ۇيرەنىز. ۇسىنىستان باس تارتۋدان قورىقپاڭىز.
13. ءاربىر ايتقان ءسوزىڭىزدىڭ وزگەگە دە، وزىڭىزگە دە پايداسى تيەتىندىگىنە ءمان بەرىڭىز. اباي اتامىز وسيەت ەتكەندەي وسەك، وتىرىك، ماقتان سوزدەن اۋلاق بولىڭىز. ايتارعا ەشتەڭىز بولماسا، ءجاي عانا ۇندەمەڭىز.
14. شەشىمدى قابىلداماس بۇرىن ويلانىپ الىڭىز. ماڭىزدىلىعىنا دا ءمان بەرىڭىز. 15. ءار اپتانىڭ سوڭىندا مىنا سۇراقتارعا جاۋاپ بەرىڭىز: «وتكەن اپتادا نە ۇيرەندىم؟»، «قانداي جەتىستىككە جەتتىم؟»، «وسى اپتا وتكىزگەن ساتتەرىمنىڭ ەڭ باعالىسى قايسىسى؟»، «ۋاقىتىمنىڭ بوس كەتكەن ساتتەرى بولدى ما؟»
16. تاۋەلسىز بولا ءبىلىڭىز. باقىتىڭىز تەك عانا ءوزىڭىزدىڭ قولىڭىزدا.
17. ءوزىڭىزدى دە وزگەلەردى دە سىيلاي ءبىلىڭىز. ادام ءوزى تاڭدايدى. وزىڭىزگە قاتىسى جوق ىستەرگە ارالاسپاڭىز. وزگەنىڭ ومىرىنە سوزىڭىزبەن دە كىرىسپەڭىز.
18. ءوزىڭىز كومەكتەسە المايتىن ىستەرگە ۋايىمداۋدىڭ قاجەتى جوق.
19. تازا اۋادا كۇندە ءجۇرىڭىز. سەرۋەندەرىڭىز اۋا رايى مەن كوڭىل- كۇيگە تاۋەلسىز بولسىن.
20. ارماندار مەن يدەيالارعا سەنىڭىز. ولاردىڭ كەيبىرەۋى ورىندالىپ قويعان دا شىعار.
21. ءار ادامنىڭ بويىندا بۇعىپ جاتقان تالانت بولادى. ونى وياتۋدى ۇمىتپاڭىز.
22. ءسوزىڭىز بەن ءىس-ارەكەتتەرىڭىزگە 100 پايىز جاۋاپ بەرىڭىز. سوزدەرىڭىزدىڭ الاپات كۇشى بار.
23. ادال بولىڭىز. ادامدارعا، ءوزىڭىزدىڭ تاڭداۋلارىڭىزعا ادالدىق تانىتىڭىز. «ادالدىق تۋا بىتكەن قاسيەت ەمەس، بار بولعانى - شەشىم» .
24. بىرەۋگە اشۋلانىپ تۇرساڭىز، جاۋاپ قايتارماس بۇرىن جوق دەگەندە 24 ساعات كۇتىڭىز.
25. دەنساۋلىعىڭىزدى كۇتىڭىز. ول بىرەۋ-اق. الداعى جوسپارلارىڭىزدى ورىنداۋعا ول مىندەتتى تۇردە قاجەت. مەديتاتسيا مەن سپورتتىڭ كومەگى زور. ونى تەكسەرىپ كورىڭىز!
26. جان دۇنيەڭىزدى تىنىشتىققا بولەڭىز. ادامنىڭ شىنايى بولمىسى جۇرەگىندە جاتىر.
27. وتكەندى ءوتتى دەپ قابىلداڭىز. ول ەندى جوق جانە قايتىپ كەلمەيدى. ورنىنا ساباق الىپ، ىلگەرى جىلجىڭىز.
28. باسىمدىلىعىڭىزدى تانىتىڭىز. ءار نارسەنىڭ ءوز ورنى بار.
29. قورقىنىشتارىڭىزدى جەڭە ءبىلىڭىز. قورقىنىش دەگەنىمىز ءجاي عانا جاساندىلىق.
30. ەشقاشان بەرىلمەڭىز! باتىلدىق پەن تاباندىلىق ۇلكەن جەتىستىكتەرگە جەتكىزەدى.