ەلباسى ساپارلارىندا 30 ميلليارد دوللاردىڭ كەلىسىمى جاسالدى - ق ر س ءى م
«ەلباسى تاياۋداعى قازاقستان حالقىنا جولداۋىندا ەكونوميكالىق ديپلوماتيا سالاسىنا تىكەلەي قاتىستى ناقتى مىندەتتەر قويدى. ولار: شيكىزاتتىق ەمەس ەكسپورتتى قولداۋ، بەلسەندى ساۋدا ساياساتى، شەتەلدە قازاقستاندىق بيزنەستى ىلگەرىلەتۋ، ينۆەستيتسيالاردى، تەحنولوگيالاردى جانە ۇزدىك الەمدىك تاجىريبەنى تارتۋ، تۋريزمدى دامىتۋ. ەلباسى ەكسپورتقا باعدارلانعان يندۋسترياليزاتسيا ەكونوميكالىق ساياساتتىڭ ورتالىق ەلەمەنتى بولۋى ءتيىس ەكەندىگىن ەرەكشە اتاپ ءوتتى»، - دەدى مينيستر.
وسى رەتتە قايرات ءابدىراحمانوۆ قازاقستان پرەزيدەنتى 2018 -جىلدىڭ باسىنان بەرى ا ق ش- قا، ب ا ءا- گە، ق ح ر- عا، تۇركيا جانە فينلياندياعا جوعارى دەڭگەيدەگى ءبىرقاتار ءىس- ساپار وتكىزگەنىن، ال ناۋرىز ايىندا ورتالىق ازيا پرەزيدەنتتەرى استاناعا ساپارمەن كەلگەنىن ەسكە سالدى.
«جاقىندا حەلسينكيگە جانە بيۋريۋسەلدە ەۋروپالىق بيزنەس كاپيتاندارىمەن كەزدەسۋلەر ءوتتى. بارلىق كەلىسسوزدەردىڭ ناتيجەسىندە جالپى سوماسى 30 ميلليارد ا ق ش دوللارىنان اساتىن 135 قۇجاتقا قول قويىلدى. سىرتقى ىستەر مينيسترلىگى مەملەكەت باسشىسىنىڭ شەتەلدەرگە جاساعان ساپارلارى مەن شەت مەملەكەتتەردىڭ باسشىلارىنىڭ قازاقستانعا ساپارلارى بارىسىندا قول جەتكىزىلگەن ۋاعدالاستىقتاردىڭ ىسكە اسىرىلۋىن باقىلاۋ بويىنشا تۇراقتى جۇمىس جۇرگىزۋدە»، - دەدى ول.
مينيستر ترانسۇلتتىق كورپوراتسيالارمەن بىرلەسكەن ينۆەستيتسيالىق جوبالار تۋرالى كەلىسىمدەرگە دە ەرەكشە نازار اۋدارىلاتىندىعىن باسا ايتتى.
«ۇكىمەتارالىق كوميسسيالار مەن ىسكەرلىك كەڭەستەر ەكىجاقتى ساۋدا- ەكونوميكالىق جانە ينۆەستيتسيالىق قاتىناستاردى دامىتۋدىڭ پارمەندى قۇرالى سانالادى. اتالعان قۇرىلىمداردىڭ بارلىق الەۋەتىن تولىققاندى ىسكە قوسۋ وتە ماڭىزدى. سوندىقتان ءىستىڭ ادامدارىمەن ۆەدومستۆوارالىق كوميسسيا قۇرىلعان. ول جاقىن ارادا ءوزىنىڭ ءبىرىنشى وتىرىسىن وتكىزەدى. اتالعان كوميسسيادا مەملەكەتتىك ورانداردىڭ قارقىندى جۇمىسىنا سەنىم ارتامىن»، - دەدى قايرات ءابدىراحمانوۆ.
اۆتور: مارلان جيەمباي