بيزنەستى قولداۋ ءۇشىن جىل سايىن كەمىندە 30 ميلليارد تەڭگە بولىنەدى
«بيزنەس ءوسىمىنىڭ تۇراقتى ءوسىم كوزىن قالىپتاستارۋ قاجەت. جەكە ينۆەستيتسيانى ىنتالاندىرۋ نارىقتىڭ بوستاندىعىن قامتاماسىز ەتەدى. ءدال وسى بيزنەس جاڭا جۇمىس ورىندارىن، قۇرىپ، قازاقستاندىقتاردىڭ باسىم بولىگىن كىرىسپەن قامتاماسىز ەتەدى. بۇل ءۇشىن ءبىز كەلەسى مىندەتتەردى شەشەتىن بولامىز» ، - دەدى مەملەكەت باسشىسى.
وسى رەتتە ەلباسى 2010 -جىلى «جول كارتاسى-2020» باعدارلاماسىنىڭ ىسكە قوسىلعانىن اتاپ ءوتتى.
«وڭىرلەرگە ساپارىم بارىسىندا بۇل باعدارلامانىڭ تيىمدىلىگىنە كوزىمدى جەتكىزدى. باعدارلاماسىنىڭ جۇزەگە اسىرىلۋىن 2025 -جىلعا دەيىن سوزۋ قاجەت. ونى جۇزەگە اسىرۋ ءۇشىن جىل سايىن قوسىمشا كەمىندە 30 ميلليارد تەڭگە قاراستىرۋ كەرەك» ، - دەدى نۇرسۇلتان نازاربايەۆ.
ق ر پرەزيدەنتىنىڭ اتاپ وتۋىنشە، بۇل شارالار ءۇش جىلدىڭ ىشىندە ازاماتتارىمىز ءۇشىن قوسىمشا كەمىندە 22 مىڭ جۇمىس ورنىن اشۋعا، بيۋدجەتكە قوسىمشا 224 ميلليارد تەڭگە الۋعا مۇمكىندىك بەرەدى. 3 تىريلليون تەڭگەنىڭ ءونىمى شىعارىلادى.