اقمولا وبلىسىندا 306 ادالدىق دۇكەنى اشىلدى
اتالمىش شارا وبلىستىڭ سىبايلاس جەمقورلىققا قارسى كۇرەس قىزمەتىمەن بىرلەسىپ ۇيىمداستىرىلدى، دەپ حابارلايدى قازاقپارات ءتىلشىسى ق ر سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسپا ءسوز قىزمەتىنە سىلتەمە جاساپ.
وتىرىستا سىبايلاس جەمقورلىقتىڭ الدىن الۋ جانە سىبايلاس جەمقورلىققا قارسى مادەنيەتتى قالىپتاستىرۋ بويىنشا مەملەكەتتىك ورگاندار جۇرگىزىپ جاتقان جۇمىستار، سونداي-اق قازاقستان رەسپۋبليكاسىنىڭ 2015-2025-جىلدارعا ارنالعان سىبايلاس جەمقورلىققا قارسى ستراتەگياسى بويىنشا 2018-2020-جىلداردى قامتيتىن شارالار جوسپارىن ىسكە اسىرۋ بارىسى قارالدى.
ق ر سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى مۇرات تولەۋبايەۆ كەڭەستە ءسوز سويلەپ، سىبايلاس جەمقورلىقپەن كۇرەس دەپارتامەنتىنىڭ 2015-2025-جىلدارعا ارنالعان سىبايلاس جەمقورلىققا قارسى ستراتەگيانى ورىنداۋ بويىنشا جۇزەگە اسىرىپ جاتقان ءىس-شارالارى تۋرالى ايتتى.
ايتا كەتۋ كەرەك، بۇگىنگى تاڭدا اقمولا وبلىسى بويىنشا سىبايلاس جەمقورلىققا قارسى كۇرەس قىزمەتىنىڭ باسىم باعىتى سىبايلاس جەمقورلىقتىڭ الدىن-الۋ جانە قوعامنىڭ سىبايلاس جەمقورلىققا قارسى دۇنيەتانىمىن قالىپتاستىرۋ بولىپ تابىلادى. وسى ورايدا، دەپارتامەنت مەملەكەتتىك ورگانداردا جەمقورلىق تاۋەكەلدەرىن انىقتاۋ، بيزنەس پەن ينۆەستورلاردى سىبايلاس جەمقورلىققا قارسى كۇرەستە قولداۋ، ارنايى مونيتورينگتىك توپ، اقپاراتتىق-اعارتۋشىلىق شتاب جۇمىسى، «اقمولا - ادالدىق الاڭى» جوباسى اياسىندا ازاماتتىق قوعاممەن ءوزارا ءىس-قيمىل سياقتى ءبىرقاتار ءىس-شارالاردى وتكىزۋدە.
«وڭىردە 306 ادالدىق دۇكەنى اشىلدى جانە جۇمىس ىستەيدى. مەملەكەتتىك ورگاندار مەن ۇيىمداردا بارلىعى 56 space, front office كابينەتى اشىلدى. 723 مەملەكەتتىك ورگان مەن ۇيىمنىڭ ءبىرىنشى باسشىلارى عيماراتتىڭ ءبىرىنشى قاباتتارىنا كوشىرىلدى. الايدا، وتكىزىلگەن ءىس-شارالارعا قاراماستان، سىبايلاس جەمقورلىق قۇقىقبۇزۋشىلىقتار سانىنىڭ ستاتيستيكاسى جاعدايعا اسەر ەتەدى، سوندىقتان مەملەكەتتىك ورگاندار بۇقارالىق اقپارات قۇرالدارىندا جاريالاپ، ازاماتتىق قوعامدى كەڭىنەن تارتۋ ارقىلى سىبايلاس جەمقورلىقتىڭ الدىن الۋ بويىنشا جۇمىستى كۇشەيتۋى قاجەت»، - دەپ اتاپ ءوتتى دەپارتامەنت باسشىسى مۇرات تولەۋبايەۆ.
اقمولا وبلىسى اكىمىنىڭ ورىنباسارى، «اقمولا - ادالدىق الاڭى» جوبالىق كەڭسەسىنىڭ كۋراتورى قانات ىدىرىسوۆ ءوز سوزىندە سىبايلاس جەمقورلىق كورىنىستەرىنە جول بەرمەۋ جانە سىبايلاس جەمقورلىققا قارسى ءىس-قيمىل تۋرالى زاڭنامالىق اكتىلەردى ورىنداۋ ماقساتىندا 2020-جىلى وبلىستىق جانە اۋداندىق اكىمدىكتەر اراسىندا جاسالعان مەموراندۋمعا باعىنىشتى تۇلعالاردىڭ سىبايلاس جەمقورلىق قىلمىس جاساۋىنا جول بەرمەۋ بويىنشا كورسەتكىشتى ەنگىزۋ قاجەت ەكەنىن اتاپ ءوتتى.