قىتايدا سۋ تاسقىنىنان قازا تاپقاندار سانى 302 ادامعا جەتتى
50 ادامنىڭ حابار- وشارسىز كەتكەنى ايتىلدى. پروۆينتسيانىڭ اكىمشىلىك ورتالىعى جىڭجوۋ قالاسىندا جاۋعان نوسەر جاڭبىر مەن سۋ تاسقىنى سالدارىنان راستالعان قۇرباندار سانى 292 بولدى. تاعى 47 ادام حابار- وشارسىز كەتكەن دەپ سانالادى. سينسيان قالاسىندا جەتى ادام قازا تاپقان، تاعى ۇشەۋى حابار- وشارسىز كەتكەن. پيندينشان قالاسىندا ءبىر ادام مەرت بولعان جانە ەكى ادام حابار- وشارسىز كەتكەن. قىتايلىق الەۋمەتتىك جەلى قولدانۋشىلارى جىڭجوۋداعى مەترودان تۇسىرىلگەن ۆيدەونى ءبولىسىپ جاتىر. وندا جولاۋشىلاردىڭ لايلى سۋعا بەلىنە دەيىن، قالا كوشەلەرىندەگى كولىكتەردىڭ سۋعا باتقانى كورسەتىلگەن.
جىنجوۋدا نوسەر جاڭبىر مەن سۋ تاسقىنى قازىردىڭ وزىندە 45000 گەكتار القاپتاعى ەگىستىككە زيان كەلتىرگەن. كەلگەن شىعىن سوماسى 65 جارىم ميلليارد يۋان (10 ميلليارد ا ق ش دوللارىنان استام) دەپ باعالانىپ وتىر.