USD 416.91 EUR 446.47
RUB 7.34 CNY 62.53
جاڭالىقتار

ەلوردانىڭ پرەزيدەنت ساياباعىنا 300 ءتۇپ ساكۋرا ەگىلدى

13 مامىر 18:32
:ءبولىسۋ
ەلوردانىڭ پرەزيدەنت ساياباعىنا 300 ءتۇپ ساكۋرا ەگىلدى

نۇر- سۇلتان. قازاقپارات - نۇر- سۇلتان قالاسىنداعى پرەزيدەنت ساياباعى اۋماعىندا ەندى Eurasian Resources Group- ءتىڭ (ERG) اللەياسى جاپىراق جايىپ، جايقالادى.

جىل سايىنعى «ۇلتتىق اعاش ەگۋ كۇنى» ەكولوگيالىق ناۋقانىن قولداۋ اياسىندا بۇگىن «ورنىقتى دامۋ» جەر قورىمەن بىرلەسىپ، اعاش ەتۋ شاراسى ءوتتى. ەكولوگيالىق شاراعا ERG- ءدىڭ استانالىق كەڭسەلەرىنىڭ قىزمەتكەرلەرى مەن ولاردىڭ بالالارى، قوعامدىق ۇيىم وكىلدەرى مەن جۋرناليستەر، ەرىكتىلەر قاتىستى.

- ساكۋرا - جاپونيانىڭ سيمۆولىنا اينالعان دەكوراتيۆتى شيە. الەمدە ونىڭ 200 دەن استام ءتۇرى بار. نەگىزىنەن جىلى جاقتا جاقسى تامىر جايادى. اراسىندا سۋىققا ءتوزىمدى تۇرلەرى دە بار. بۇگىن شيەنىڭ ناقتى سول ءتۇرىنىڭ كوشەتتەرىن ەكتىك، - دەدى «ورنىقتى دامۋ» جەر قورىنىڭ جەتەكشىسى الان بەسەن.

- كوكتەمدە ساكۋرانىڭ گۇلدەۋى تىپتەن ەرەكشە، ءارى قازاقستان استاناسىنىڭ كليماتىنا ابدەن بەيىمدەلگەن. مۇنى ايتىپ وتىرعانىم، ءبىز اكىمدىكپەن بىرلەسە وتىرىپ، بۇگىن ەگىلگەن كوشەتتەردىڭ تامىر جايىپ، وسۋىنە جاۋاپتىمىز. جەرسىنىپ كەتۋىن باقىلاپ وتىراتىن بولامىز

- بۇل نۇر- سۇلتان قالاسىنداعى ERG- ءدىڭ وسىمەن ءۇشىنشى اللەياسى. بىلتىر كوكتەمدە كومپانيا قىزمەتكەرلەرى ۇلتتىق كورديولوگيا ورتالىعى اۋماعىنا كەيىن كۇزدە «اتاتۇرىك» ساياباعىنا بادام اعاشتارىن ەككەن بولاتىن.

- ءبىزدىڭ ۇزاقمەرزىمدى ەكولوگيالىق ستراتەگيامىزدا توپ كاسىپورىندارى ورنالاسقان وڭىرلەردى كوگالداندىرۋ دا كوزدەلگەن، - دەدى ERG قورشاعان ورتانى قورعاۋ دەپارتامەنتىنىڭ ديرەكتورى تالعات تورەبەكوۆ.

- تەك بيىل، كوكتەم مەن كۇزدە پاۆلودار، قاراعاندى، قوستاناي جانە اقتوبە وبلىستارىندا، شىمكەنت، الماتى مەن نۇر- سۇلتان قالالارىندا جالپى سانى 100000 ءتۇپ تال ەگۋ جوسپارلانعان. ERG- ءدىڭ ەكولوگيالىق ستراتەگياسى اياسىندا 2025 -جىلعا دەيىن توپ كاسىپورىندار ورنالاسقان وڭىرلەردە 420000 تال ەگىلەدى. جوباعا جوسپارلانعان جالپى ينۆەستيتسيا - 1,5 ميلليارد تەڭگەگە جۋىق.

- شىبىق شانشىپ، اعاش ەگۋ - قالىپتاسقان يگى داستۇرلەردىڭ ءبىرى، - دەدى الان بەسەن. - مۇنداي شارالار ءتۇرلى ماڭىزدى سەبەپتەر: ەرەكشە ەسكەرىلەتىن داتالار، جالپى قالالىق مەرەكەلەر، جالپى قازاقستاندىق سەنبىلىكتەر اياسىندا تۇراقتى تۇردە ۇيىمداستىرىلادى. جىل سايىن يگى شاراعا ۇلەس قوسقىسى كەلەتىن استانالىقتار سانى ارتىپ كەلەدى. ەلوردانى جايقالتىپ، باس قالانى جاسىل جەلەكپەن كومكەرۋگە ۇلەس قوسىپ جاتقان ءار ادامعا العىس ايتامىن!

ەستەرىڭىزدە بولسا، «ورنىقتى دامۋ» جەر قورىنىڭ باستاماسىمەن 2014 -جىلدىڭ ءساۋىر ايىندا العاشقى «ۇلتتىق اعاش ەگۋ كۇنى» ءوتتى. شارانىڭ ماقساتى - ورمانداردى قالپىنا كەلتىرىپ، قالالاردا جاسىل ايماقتاردى اباتتاندىرۋ، جۇرتتىڭ ەكولوگيالىق ساۋاتىن ارتتىرىپ، قازاقستاننىڭ جاسىل قورىن نىعايتۋ جوبالارىنا بيزنەستىڭ رەسۋرستارىن جۇمىلدىرۋ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات