شىعىن 300 ميلليون تەڭگە: ەلوردادا ەكى قارجى پيراميداسى انىقتالدى
ق ر قارجى مونيتورينگى اگەنتتىگىنىڭ نۇر-سۇلتان قالاسى بويىنشا ەكونوميكالىق تەرگەۋ دەپارتامەنتى قارجى پيراميداسى رەتىندە جۇمىس ىستەگەن ەكى كومپانيانى اشكەرەلەدى.
اتاپ ايتقاندا، كومپانيالار «Otbasy men jastardy qoldau qory» كورپوراتيۆتىك قورى جانە «ynvest Consulting Agensy» ج ش س رەتىندە جۇمىس ىستەپ، ازاماتتاردىڭ قاراجاتىن زاڭسىز تارتقان.
«سالدارىنان 300 ميلليون تەڭگەدەن استام شىعىن كەلتىرىلدى. ق ر قارجى نارىعىن رەتتەۋ جانە دامىتۋ اگەنتتىگىنىڭ قورىتىندىسى بويىنشا، «Otbasy men jastardy qoldau qory» كورپوراتيۆتىك قورى جانە «ynvest Consulting Agensy» ج ش س- نىڭ جۇمىسى زاڭسىز جانە قىزمەت ەتۋىنە ءتيىستى رۇقساتى جوق. سوتقا دەيىنگى تەرگەپ-تەكسەرۋ امالدارى بارىسىندا قاجەتتى بارلىق تەرگەۋ شارالارى جۇرگىزىلۋدە. قارجى پيراميداسىن ۇيىمداستىرۋشىلارعا «قاماۋدا ۇستاۋ» تۇرىندەگى بۇلتارتپاۋ شاراسى قولدانىلدى.
قازىرگى ۋاقىتتا زارداپ شەككەندەرگە كەلتىرىلگەن شىعىندى وتەۋ بويىنشا شارالار قابىلدانۋدا.
ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس، سوتقا دەيىنگى تەرگەپ- تەكسەرۋدىڭ وزگە مالىمەتتەرى تەرگەۋ مۇددەسىنە وراي جاريالانۋعا جاتپايدى»، - دەدى نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنەن.