الماتى وبلىسىندا قاشىقتان وقىعان 300 وقۋشىدان كوروناۆيرۋس انىقتالدى

تالدىقورعان. قازاقپارات - الماتى وبلىسىندا وقۋ جىلىنىڭ باسىنان بەرى مەكتەپ وقۋشىلارى اراسىندا COVID-19-دىڭ زەرتحانالىق راستالعان 320 جاعداي تىركەلگەن، ونىڭ ىشىندە 20 بالا كەزەكشى سىنىپتاردا، 300 وقۋشى قاشىقتان وقىعان.

بۇل تۋرالى قازاقپارات ۆ ا ك جۇمىسى تۋرالى تەلەگرام كانالعا سىلتەمە جاساپ حابارلايدى.

الماتى وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باقىلاۋىندا 400 مىڭنان استام بالا ءبىلىم الاتىن 765 جالپى ءبىلىم بەرەتىن مەكتەپ بار. سانيتاريالىق ەرەجەلەردىڭ تالاپتارىن ساقتاۋ ءۇشىن وبلىس مەكتەپتەرى انتيسەپتيكتەرمەن، باكتەريتسيدتى جانە كۆارتستى شامدارمەن، ەدەن توسەنىشتەرىمەن قامتاماسىز ەتىلگەن، جۋۋ جانە دەزينفەكتسيالاۋ قۇرالدارىنىڭ ازايمايتىن قورى قامتىلعان. مەديتسينا قىزمەتكەرلەرى تاراپىنان بارلىق ءبىلىم بەرۋ مەكەمەلەرىنىڭ قىزمەتكەرلەرى مەن ءبىلىم الۋشىلاردىڭ كۇندەلىكتى تاڭەرتەڭگىلىك سۇزگىسىن (تەرمومەتريا، عيماراتقا كىرە بەرىستە قولدى انتيسەپتيكپەن وڭدەۋ، اياق كيىمنىڭ تابانىن وڭدەۋ) جۇرگىزەدى.

وقۋ جىلىنىڭ باسىنان بەرى وبلىس مەكتەپتەرىنە 296 تەكسەرۋ جۇرگىزىلگەن، ونىڭ ىشىندە ەرەكشە ءتارتىپ بويىنشا 50 مەكتەپ تەكسەرىلگەن. بۇزۋشىلىقتار 22 ءبىلىم بەرۋ مەكەمەسىندە انىقتالىپ، 1 833470 تەڭگە ايىپپۇل سالىنعان. بۇزۋشىلىقتاردى جويۋ تۋرالى 22 ۇيعارىم بەرىلدى. تالدىقورعان قالاسىنداعى مەكتەپتەر مەن گيمنازيالاردا قاشىقتان وقىتۋ 2020-جىلدىڭ 21- قاڭتارىنا دەيىن ۇزارتىلعان.