ارقالىق قالاسىندا 300 مىڭعا جۋىق قۇس قىرىلىپ قالدى
وبلىستىق ۆەتەريناريا باسقارماسىنىڭ مالىمەتىنە سۇيەنسەك، ءبىر اپتانىڭ ىشىندە وبلىستا 299730 قۇس ولگەن. قازىر ماماندار ءار ەلدى مەكەندە ءتيىستى جۇمىس شارالارىن قابىلداپ جاتىر.
«بۇگىنگى مالىمەت بويىنشا وبلىستا جەكە سەكتورلاردا ولگەن قۇستاردىڭ سانى 3284 كە جەتتى. ال ارقالىق قالاسىنداعى «اگروينتەرقۇس» قۇس فابريكاسىندا 296446 قۇس قىرىلدى. جالپى، قوستاناي وبلىسىندا 5 ميلليون 52 مىڭ قۇس بار. اۋىل شارۋاشىلىعى كاسىپورىندارى 2 ميلليوننىڭ ۇستىندە قۇس باعىپ وتىر. جەكە شارۋا قوجالىقتارىندا 32 مىڭ، ال جەكە سەكتوردا 2 ميلليون 900 مىڭنىڭ ۇستىندە قۇس وسىرەدى»، - دەيدى وبلىستىق ۆەتەريناريا باسقارماسى باسشىسىنىڭ ورىنباسارى باۋىرجان بەكەت.
قازىر وبلىس اۋماعىندا بەكىتىلگەن ەرەجەگە سايكەس، ىندەتتىڭ تارالۋ قاۋپى بار بۋفەرلىك زونا انىقتالىپ، ىندەت وشاعىنىڭ اينالاسىندا 20-25 شاقىرىم قاشىقتىقتا ورنالاسقان ەلدى مەكەندەردىڭ قۇستارىنا مىندەتتى تۇردە ۆاكتسينا ەگۋ جۇمىستارى باستالدى.