شىمكەنتتە توتەنشە جاعداي رەجيمىن بۇزعان 300 گە جۋىق كاسىپكەرگە ايىپپۇل سالىندى

شىمكەنت. قازاقپارات - شىمكەنت قالاسىندا توتەنشە جاعداي رەجيمىن بۇزعانى جانە سانيتارلىق تالاپتاردى ورىنداماعانى ءۇشىن كاسىپكەرلەر اكىمشىلىك جاۋاپكەرشىلىكك ە تارتىلۋدا.

قالاداعى ساۋدا جانە قىزمەت كورسەتۋ نىساندارىنا 287 اكىمشىلىك حاتتاما تولتىرىلىپ، ايىپپۇل سالىنعان، دەپ حابارلايدى قازاقپارات ءتىلشىسى.

قالالىق توتەنشە جاعداي جونىندەگى شتاب مالىمەتىنشە، سوڭعى 5 كۇننىڭ وزىندە اباي اۋدانىندا - 144, ەڭبەكشى اۋدانىندا - 58, قاراتاۋ اۋدانىندا - 50 جانە ءال- فارابي اۋدانىندا 35 كاسىپكەرلىك نىسان جاۋاپقا تارتىلعان. ونىڭ ىشىندە ساۋدا ورتالىقتارى، ازىق- تۇلىك دۇكەندەرى، ءدامحانالار، اسەمدىك سالوندارى، لومباردتار مەن اۆتوكولىككە تەحنيكالىق قىزمەت كورسەتۋ ورتالىقتارى بار. ايتا كەتەيىك، توتەنشە جاعداي كەزىندە ساۋدا جانە قىزمەت كورسەتۋ نىساندارىنىڭ جۇمىس ۋاقىتى شەكتەلگەن. بۇل ورىنداردىڭ كىرە بەرىسىندە قولدى انتيسەپتيكالىق وڭدەيتىن قۇرالدار قويىلىپ، كەلۋشىلەردىڭ دەنە قىزۋى كونتاكتىسىز پيرومەترمەن ولشەنۋى تالاپ ەتىلەدى. سونداي- اق، قىزمەت كورسەتۋشىلەر مەن كەلۋشىلەر مەديتسينالىق بەتپەردە تاعىپ جۇرۋگە مىندەتتى. وسى تالاپتاردى ورىنداماعان كاسىپكەرلەر الداعى ۋاقىتتا دا جاۋاپقا تارتىلادى. اتالعان شتابتىڭ مۇشەسى بۇحارباي پارمانوۆتىڭ سوزىنشە، بۇگىنگى تاڭدا مەگاپوليستەگى اباي اۋدانى اۋماعىندا 12 ءىرى ساۋدا ورتالىعى مەن اۋەجاي، «سامال» جانە «بەكجان» سياقتى ءىرى بازارلاردىڭ، مال بازارى مەن اۆتوكولىك بازارىنىڭ، 59 تويحانا مەن 31 مونشانىڭ جۇمىسى ۋاقىتشا توقتاتىلعان. قالادا سونداي- اق، باقىلاۋ شارالارى كۇشەيتىلگەن.