باس پروكۋراتۋرا: الماتىداعى ۇشاق اپاتى بويىنشا 300-گە تارتا ادامنان جاۋاپ الىندى
«اۋە كەمەسى اپاتىنا قاتىستى سوتقا دەيىنگى تەرگەۋ امالدارى ءجۇرىپ جاتىر. 14 ساراپتاما تاعايىندالدى. 300-دەي ادامنان جاۋاپ الىندى. سولاردىڭ تولىق قورىتىندىسىن جاساعاننان كەيىن، ناقتى قالاي بولعانىن، كىم كىنالى ەكەنىن، قانداي كەمشىلىكتەر انىقتالعانى بەلگىلى بولادى»، - دەدى مارات احمەتجانوۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.
سونىمەن قاتار تىلشىلەر «بەك ەير» اۋە كومپانياسىنىڭ وكىلدەرىنە قاتىستى قانداي دا ءبىر بۇلتارتپاۋ شاراسىن قارالدى ما؟» دەپ سۇرادى.
«ونداي شارا قارالعان جوق. ويتكەنى ءالى دە ساراپتاما مەن تەرگەۋ امالدارى ءجۇرىپ جاتىر. ناقتى ءمان- جاي انىقتالعاننان كەيىن عانا ءتيىستى شەشىمدەر قابىلدانادى»، - دەدى باس پروكۋروردىڭ ورىنباسارى.
ەسكە سالايىق، 2019 -جىلدىڭ 27 - جەلتوقسانىندا «الماتى- نۇر- سۇلتان» رەيسىن ورىنداماق بولعان « «Bek Air» اۋە كومپانياسىنىڭ ۇشاعى راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاق الماتى اۋەجايى ماڭىندا اپاتقا ۇشىراعانى ءمالىم بولدى.
سالدارىنان 12 ادام قازا تاپتى، 69 جولاۋشى زارداپ شەكتى، ونىڭ 9-ى - بالالار.
سونداي- اق پيلوتتاردىڭ ءوزارا اڭگىمەسىنىڭ حرونولوگياسىن جاريالادى.
اۆتور رۋسلان عابباسوۆ