+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

وسكەمەننىڭ 300 جىلدىعى تويلانا ما - مينيسترلىك جاۋابى

17 شىلدە 11:17
:ءبولىسۋ
وسكەمەننىڭ 300 جىلدىعى تويلانا ما - مينيسترلىك جاۋابى

نۇر-سۇلتان. قازاقپارات - شىعىس قازاقستان وبلىسى اكىمدىگى تاراپىنان وسكەمەن قالاسىنىڭ مەرەيتويىن اتاپ ءوتۋ جونىندە ۇسىنىس تۇسكەن جوق.

قازاقپاراتتىڭ رەسمي ساۋالىنا ق ر مادەنيەت جانە سپورت مينيسترلىگى وسىلاي جاۋاپ بەردى.

شىعىس قازاقستاندا وسكەمەن قالاسىنىڭ تاريحى تۋرالى تۇرعىندار پىكىرى ەكىگە جارىلىپ، باسپا ءسوز بەتىندە ايتىس-تارتىس ءجۇرىپ جاتىر. ءبىر توپ 18-عاسىردا سالىنعان وتارلاۋ بەكىنىسىن العا تارتىپ، وسكەمەنگە 300 جىل بولدى دەسە، ەكىنشى توپ ارحەولوگيالىق زەرتتەۋلەردى نەگىزگە الا وتىرىپ، قالانىڭ تاريحىن 1000 جىلمەن ولشەپ وتىر.

ق ر مادەنيەت جانە سپورت مينيسترلىگى ءتىل ساياساتى كوميتەتى باسشىسىنىڭ ورىنباسارى مايراش ساعىمبايەۆانىڭ ايتۋىنشا، ەلدى مەكەندەردىڭ مەرەيتويىن اتاپ ءوتۋدىڭ ءوز رەگلامەنتى بار.

«قازاقستان رەسپۋبليكاسىنداعى مەرەيتويلار مەن اتاۋلى كۇندەردى مەرەكەلەۋ ق ر ۇكىمەتىنىڭ 1999-جىلعى 28- قىركۇيەكتەگى 1465№ قاۋلىسىنا سايكەس جۇزەگە اسىرىلادى. اتالعان قاۋلىعا سايكەس وبلىستاردىڭ، قالالاردىڭ، مەرەيتويلارى ءجۇز جىلدىعىندا جانە ودان ءارى ءاربىر 25 جىلدا اتالىپ وتىلەدى»، - دەيدى ول.

كوميتەت وكىلى ەلىمىز بويىنشا اتالىپ وتەتىن مەرەيتويلار مەن اتاۋلى كۇندەردىڭ تىزبەسىن جەرگىلىكتى اتقارۋشى اكىمدىك ۇسىنىستارى نەگىزىندە بەكىتىلەتىنىن ايتادى.

«وسى رەتتە بۇگىنگە دەيىن شىعىس قازاقستان وبلىسى اكىمدىگى تاراپىنان وسكەمەن قالاسىنىڭ مەرەيتويىن اتاپ ءوتۋ جونىندە ۇسىنىس تۇسپەگەنىن جەتكىزەمىز. ال وسكەمەن قالاسىنىڭ تاريحي جاسىن انىقتاۋ ماسەلەسى بەلگىلەنگەن تارتىپكە سايكەس، ەڭ الدىمەن عىلىمي قاۋىمداستىقتىڭ تالقىلاۋىنا شىعارىلۋى ءتيىس. ياعني ، ق ر ءبىلىم جانە عىلىم مينيسترلىگىنە باعىنىستى جەتەكشى عىلىمي-زەرتتەۋ ينستيتۋتتارى مەن وقۋ ورىندارىنىڭ عالىمدارىنا ۇسىنىلۋى قاجەت. وسىدان كەيىن عانا، ونى اتاپ ءوتۋ بويىنشا ءتيىستى شەشىم قابىلدانۋى كەرەك دەگەن پىكىردەمىز»، - دەيدى مايراش ساعىمبايەۆا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات