رەسەي سيرياعا س-300 كەشەنىن جەتكىزبەك

استانا. قازاقاپارات - رەسەي تاياۋ ارادا سيرياعا ПВО С-300، ياعني اۋەدەن قورعانىس كەشەندەرىن جەتكىزەتىن بولادى. بۇعان سيريا جەرىندە ي ل-20 بارلاۋ ۇشاعىنىڭ قۇلاۋى تۇرتكى بولدى.

 ەستەرىڭىزگە سالا كەتسەك، قىركۇيەكتىڭ 17 - كۇنى سيريادا رەسەيلىك ي ل-20 بارلاۋ ۇشاعى اتىپ ءتۇسىرىلىپ، بورتتاعى 15 ادام قازا بولدى.

 اۋە كولىگىنە سيريالىق راكەتا تيگەنىمەن، ماسكەۋ كىنانى يزرايلگە ارتتى. ال يزرايل تارابى بۇل اپاتقا ەش قاتىسى جوعىن ايتادى. جالپى رەسەيدىڭ قورعانىس ءمينيسترى سەرگەي شويگۋدىڭ ايتۋىنشا، س-300 كەشەنىن داماسكىگە جەتكىزۋ بۇدان 5 جىل بۇرىن جوسپارلانعان. ەندى سيريا اسكەرىنىڭ كوماندالىق بەكەتتەرى رەسەيدىڭ قارۋلى كۇشتەرى عانا قولدانىپ كەلگەن اۆتوماتتاندىرىلعان باسقارۋ جۇيەسىمەن جابدىقتالماق.

سەرگەي شويگۋ، ر ف قورعانىس ءمينيسترى:

- بۇل سيرياداعى اۋە قورعانىسىنىڭ بارلىق قارۋلى كۇشتەرى مەن قۇرالدارىن باسقارۋدى قامتاماسىز ەتپەك. سونداي- اق اۋەدەگى جاعدايدى باقىلاپ، بۇيرىقتاردى بۇلجىتپاي ءدال ورىنداۋعا مۇمكىندىك بەرەدى. ەڭ باستىسى سيريانىڭ اۋە قورعانىس كەشەنى ەندى بارلىق رەسەيلىك اۋە كەمەلەرىن اينا- قاتەسىز تانيتىن بولادى.

www.24.kz