13:45, 21 - قىركۇيەك 2018 | GMT +6
ەلىمىزدە 300 مىڭنان استام ادام قازاق تىلىنەن ەمتيحان تاپسىردى
استانا. قازاقپارات - بۇگىن ەل ازاماتتارى قازاق ءتىلى بويىنشا بىلىمدەرىن تەكسەردى. 300 مىڭنان استام ادام «استانا - بەيبىتشىلىك بەلگىسى» اتتى جالپى رەسپۋبليكالىق ديكتانتقا قاتىستى.
ەمتيحاندى مەملەكەتتىك ورگاندار، ۇلتتىق كومپانيالار، ەتنومادەني بىرلەستىكتەر، قوعام قايراتكەرلەرى مەن ستۋدەنتتەر تاپسىردى. قورىتىندىسى 3 كۇننەن كەيىن بەلگىلى بولادى. شارا حالىقتىڭ مەملەكەتتىك تىلگە دەگەن قۇرمەتىن ارتتىرىپ، ونىڭ قوعامداعى ءرولىن نىعايتۋدى دىتتەيدى.
كامال الپەيىسوۆا، جازۋشى:
- ءبىز 2025 -جىلعا دەيىن قازاقستان حالقىنىڭ 95 پايىزى مەملەكەتتىك تىلدە ەركىن سويلەۋدى يگەرەدى دەپ جوسپار قويعانبىز. سونداي مۇراتقا جەتۋدىڭ ءبىر جولى - ساۋاتتى جازۋ. ساۋاتتى جازىپ ۇيرەنگەن ادام ساۋاتتى ويلايدى، ورەسى بيىك بولادى.
www.24.kz