قىتايداعى قۇرىلتايعا 300 دەن استام قازاقستاندىق ستۋدەنت جينالدى
وسى فورۋمعا قىتايدىڭ 16 قالاسىنان 300 دەن استام قازاقستاندىق ستۋدەنت قاتىستى. قۇرىلتاي اياسىندا «قازاقستاندىق ستۋدەنتتەر قاۋىمداستىعىنىڭ جاستار ومىرىندەگى ءرولى» كونفەرەنسياسى ءوتتى. كونفەرەنسيادا شاڭحايداعى ق ر باس كونسۋلى جوشىحان قىراۋبايەۆ، ق ح ر- داعى ق ر ەلشىلىگىنىڭ ءبىلىم بەرۋ جانە مادەنيەت جونىندەگى كەڭەسشىسى قايرات ءابدراحمانوۆ، ازيا مەن وكەانياداعى ق ر ب ع م حالىقارالىق باعدارلامالار ورتالىعىنىڭ وكىلى بەرىك سۇلەيمەنوۆ، حاڭجوۋ ەكونوميكا جانە قارجى ۋنيۆەرسيتەتىنىڭ پرورەكتورى حۋاڭ جيانشين ءسوز سويلەدى.
قازاقستاندىق ديپلوماتتار ستۋدەنتتەرگە قازاقستان پرەزيدەنتىنىڭ جانە ۇكىمەتىنىڭ باستامالارى تۋرالى، ولاردى جۇزەگە اسىرۋ بارىسى تۋرالى ايتىپ بەردى. ستۋدەنتتىك ۇيىمدى ودان ءارى جەتىلدىرۋ بويىنشا جوسپارلار مەن پىكىرلەردى تالقىعا سالىپ، ستۋدەنتتەردى اكادەميالىق جانە عىلىمي جەتىستىكتەرىن ارتتىرۋعا، ءبىزدىڭ حالقىمىزدىڭ داستۇرلەرى مەن مادەنيەتتەرىن بەلسەندى تۇردە ناسيحاتتاۋعا شاقىردى.
قۇرىلتايدىڭ قورىتىندىسى بويىنشا مەموراندۋمعا جانە KSAC جالپى جارعىسىنا قول قويىلدى. سونداي-اق، قازاقستاننىڭ ينۆەستيسيالىق جوبالارى مەن سىرتقى ساۋدا قىزمەتىنە قاتىساتىن جانە قازاقستاندىق ستۋدەنتتەردى تاعىلىمدامادان وتكىزۋگە جانە جۇمىسقا قابىلداۋعا دايىن قىتايلىق كومپانيا وكىلدەرىنىڭ قاتىسۋىمەن دوڭگەلەك ۇستەل ءوتتى.
قۇرىلتايدىڭ رەسمي ءبولىمى اياقتالعاننان كەيىن ستۋدەنتتەر الەمدەگى ءىرى Alibaba ەلەكتروندىق كوممەرتسيالىق كومپانياسىنىڭ كەڭسەسىنە باردى.
