اقتوبەنىڭ 300 اۋىلىن 300 كاسىپكەر قامقورلىققا الادى
اقتوبە وبلىسىنا جۇمىس ساپارىمەن «اتامەكەن» ۇ ك پ ءتوراعاسى تيمۋر ق ۇلىبايەۆ كەلدى. ءوڭىردىڭ جۇمىسىمەن تانىسىپ، مەملەكەتتىك- جەكەمەنشىك سەرىكتەستىك اياسىندا سالىنعان بىرنەشە سپورت، مادەنيەت، ءبىلىم سالاسىنىڭ نىسانىن ارالادى. كەيىن وبلىس كاسىپكەرلەرىمەن كەزدەستى.
«اقتوبە قالاسىن ارالاپ، كاسىپكەرلەردىڭ كوپ ءىس تىندىرعانىن كوردىك. مەملەكەتتىك- جەكەمەنشىك ارىپتەستىك اياسىندا سالىنعان، كاسىپكەرلەردىڭ ءوز قارجىسىنا تۇرعىزىلعان نىسان كوپ. بۇل وڭىردەگى بيزنەس كليماتتى ايعاقتايتىن ءىس. كاسىپكەرلەردىڭ قۇقىعىن قورعاۋ باعىتى بويىنشا 2013-2017 -جىلدارى اراسىندا 22 مىڭنان استام ءوتىنىش تۇسكەن. ونىڭ 40 پايىزىنا «اتامەكەن» ۇ ك پ كومەكتەستى. ياعني، 92 ميلليارد تەڭگەنىڭ مەنشىك قۇقىعى قورعالدى. زاڭ جوبالارىنا 20 مىڭنان استام ساراپتاما جۇرگىزىلدى. زاڭدارعا وزگەرتۋلەر مەن تولىقتىرۋلار ەنگىزۋ ءۇشىن 6,5 مىڭنان استام ۇسىنىس بەرىلىپ، ونىڭ 73 پايىزى قابىلداندى. اكىمشىلىك كەدەرگىنى جويۋ ءۇشىن دە جۇمىس اتقارىلىپ جاتىر. ەلىمىز بويىنشا 575 شاعىم ءتۇسىپ، باسىم ءبولىمى شەشىمىن تاپتى. باقىلاۋ- قاداعالاۋ جۇمىستارى دا ازايدى. ەسەسىنە ساقتاندىرۋ، الدىن الۋ جۇمىستارىن كۇشەيتۋ كەرەك. الەۋمەتتىك جەلى ارقىلى اقپارات تەز تارايدى. ماسەلەن، ليفت شارۋاشىلىعى، تاماقتان ۋلانۋ، قوعامدىق كولىك تاسىمالى سەكىلدى پروبلەمالار كوتەرىلگەندە قوعامدىق رەزونانس تۋادى. سوندىقتان «اتامەكەن» ۇ ك پ ەل زاڭنامالارىن ساقتايتىن، ءوز ىسىنە ادال، ساپالى قىزمەت كورسەتەتىن كاسىپكەرلەردى قورعايتىنىن جەتكىزگىمىز كەلەدى» ، - دەدى «اتامەكەن» ۇ ك پ ءتوراعاسى تيمۋر ق ۇلىبايەۆ.
كەزدەسۋ كەزىندە ءوڭىر باسشىسى بەردىبەك ساپاربايەۆ قيىندىقتار مەن بيزنەستىڭ دامۋىن تەجەيتىن فاكتورلاردى اتاپ ءوتتى.
«بىرىنشىدەن، تاريفتەگى تۇراقتىلىق. وكىنىشكە قاراي، كەيبىر مينيسترلىك تاريفتەردى وزگەرتىپ جىبەرەدى. بيزنەس تاۋەكەلگە بارىپ، كەيىن سەنىمسىزدىككە بوي الدىرادى. ەكىنشىدەن، «بيزنەستىڭ جول كارتاسى - 2020» باعدارلاماسى اياسىندا وڭىرلەرگە قارجى بولىنبەدى. ۇسىنىستار بولدى، ءبىراق اقشا قاراستىرىلماي وتىر» ، - دەدى ءوڭىر باسشىسى بەردىبەك ساپاربايەۆ.
كەيىن «اتامەكەن» ۇ ك پ «5 مىڭ اۋىلعا 5 مىڭ قامقورشى» جوباسىنا قولداۋ بىلدىرەتىنىن، قازىر 50 كاسىپكەر ايقىندالعانىن جەتكىزدى.
«قازىرگى كەزدە اۋىلىنا كومەكتەسۋگە دايىن 50 كاسىپكەر انىقتالدى. ولار الەۋمەتتىك سۇراقتاردى شەشۋگە، بيزنەس نەگىزدەرىن وقىتۋعا دايىن. وڭىردە بارلىعى 340 اۋىل بولسا، ونىڭ 300 ء ى بولاشاعى بار. قولداۋ بولسا، قىركۇيەك ايىنا دەيىن 300 كاسىپكەردى تاۋىپ، اۋىلدى بەكىتەمىز» ، - دەدى وبلىس اكىمى ب. ساپاربايەۆ.