+7 (701) 759 90 19
°С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

30 مىڭنان استام قازاقستاندىقتىڭ Telegram-اككاۋنتتاعى جەكە دەرەكتەرى جەلىگە تاراپ كەتتى

21 شىلدە 22:30
:ءبولىسۋ
30 مىڭنان استام قازاقستاندىقتىڭ Telegram-اككاۋنتتاعى جەكە دەرەكتەرى جەلىگە تاراپ كەتتى

نۇر-سۇلتان. قازاقپارات - قازاقستاندىق قولدانۋشىلاردىڭ 30 مىڭنان استام Telegram-اككاۋنتىنىڭ جەكە دەرەكتەرى جەلىگە تاراپ كەتتى، دەپ حابارلايدى قازاقپارات مەملەكەتتىك تەحنيكالىق قىزمەتكە سىلتەمە جاساپ.

«مەملەكەتتىك تەحنيكالىق قىزمەت» ا ق KZ- CERT كومپيۋتەرلىك ينتسيدەنتتەرگە ارەكەت ەتۋ قىزمەتى ينتەرنەتتىڭ قازاقستاندىق سەگمەنتىنە مونيتورينگ جاساۋ بارىسىندا Telegram-اككاۋنتتاردىڭ بىرىنەن Telegram مەسسەندجەرىن قولدانۋشىلاردىڭ جەكە دەرەكتەرى تۋرالى 744 مىڭ جازبا جيناقتالعان فايلدى تاپتى.

تالداۋ بارىسىندا فايلدا قولدانۋشىنىڭ ID- ءى، اتى، تەگى، تەلەفون ءنومىرى جانە «ءوزىم تۋرالى» باعانىنداعى قولدانۋشىنىڭ جازباسى سىندى جەكە دەرەكتەر بار ەكەنى انىقتالدى. ونىڭ ىشىندە 30 مىڭ اككاۋنت قازاقستاندىق تەلەفون نومىرلەرىنە تىركەلگەن بولىپ شىقتى»، - دەپ ءمالىم ەتتى «مەملەكەتتىك تەحنيكالىق قىزمەت» ا ق KZ- CERT باسپا ءسوز قىزمەتى.

فايل تابىلعان Telegram-كانالدىڭ اۆتورى ونى «گلاز بوگا» ت م د- داعى ءىرى سەرۆيسىنىڭ (1 ميلليوننان استام قولدانۋشى) كليەنتتەر بازاسى دەپ بەرگەن.

ول الەۋمەتتىك جەلى، مەسسەندجەرلەر، ىزدەۋ جۇيەلەرى مەن باسقا دەرەككوزدەر نەگىزىندە جينالعان قولدانۋشىلاردىڭ جەكە دەرەكتەرىن سۇراۋ بويىنشا الۋعا مۇمكىندىك بەرەدى.

مەملەكەتتىك تەحنيكالىق قىزمەت ماماندارىنىڭ تۇسىندىرۋىنشە، جەكە دەرەكتەردىڭ جەلىگە كەتۋى الاياقتاردىڭ اقپاراتتى الەۋمەتتىك ينجەنەريادا، اتاپ ايتقاندا، جەكە جانە بانكتىك دەرەكتەردى الۋ ماقساتىمەن حابارلاسۋ جانە حابارلاما جىبەرۋدە پايدالانۋ قاۋپىن تۋدىرادى.

«وسىعان بايلانىستى ينتەرنەتتىڭ قازاقستاندىق سەگمەنتىنىڭ بارلىق پايدالانۋشىلارىنا كيبەرگيگيەنا ساقتاۋدىڭ ماڭىزىن ەسكە سالامىز، سونىمەن قاتار ينتەرنەتتە ءوزىڭىزدىڭ جەكە دەرەكتەرىڭىزدى ەنگىزۋ كەزىندە مۇقيات بولىپ، ۇشىنشىلەرگە جەكە اقپاراتتى بەرمەۋدى سۇرايمىز»، - دەدى «مەملەكەتتىك تەحنيكالىق قىزمەت» ا ق KZ- CERT باسپا ءسوز قىزمەتى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات