+7 (701) 759 90 19
11 °С : نۇر-سۇلتان
12 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

قازاقستاندىق 30 قالامگەردىڭ شىعارماسى الەمنىڭ 6 تىلىندە باسىلىپ شىقتى

18 ءساۋىر 12:05
:ءبولىسۋ
قازاقستاندىق 30 قالامگەردىڭ شىعارماسى الەمنىڭ 6 تىلىندە باسىلىپ شىقتى

الماتى. قازاقپارات - «جاھانداعى زاماناۋي قازاقستاندىق مادەنيەت» جوباسى اياسىندا ب ۇ ۇ- نىڭ 6 تىلىنە اۋدارىلعان قازىرگى قازاق ادەبيەتى انتولوگياسىنىڭ العاشقى كىتابى باسىلىپ شىقتى. بۇل كىتاپتار الماتىدا دوستىق ۇيىندە تانىستىرىلدى، دەپ حابارلايدى قازاقپارات ءتىلشىسى.

پوەزيا جانە پروزا جيناقتارىنىڭ تانىستىرىلىمىنا وسى جوباعا قاتىسقان ۇلى بريتانيا، يسپانيا، فرانسيا، رەسەي، قىتاي جانە ەگيپەت اۋدارماشىلارى مەن ادەبيەتشىلەرى، اۋدارما جانە باسپا ۇيىمدارىنىڭ باسشىلارى، شىعارمالارى قازىرگى قازاق ادەبيەتى انتولوگياسىنا ەنگەن اۆتورلار قاتىستى.


Қазақстандық 30 қаламгердің шыÒ

ق ر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى، «جاھانداعى زاماناۋي قازاقستاندىق مادەنيەت» جوباسىن ىسكە اسىرۋعا جاۋاپتى جۇمىس توبىنىڭ جەتەكشىسى ايدا بالايەۆا قازاق ادەبيەتىنىڭ ۇزدىك ۇلگىلەرىن ب ۇ ۇ- نىڭ 6 تىلىنە اۋدارىپ، تاراتۋ - ۇلت تاريحىندى بۇرىن- سوڭدى بولماعان، قازاق مادەنيەتىن الەمگە تانىستىرۋ تۇرعىسىنان تەڭدەسى جوق باستاما ەكەنىن ايتتى.

«12 - ساۋىردە «رۋحاني جاڭعىرۋ» باعدارلاماسىنىڭ باستالعانىنا ەكى جىل تولدى. وسى ەكى جىل ىشىندە ەلباسى ناقتىلاعان 6 جوبا بويىنشا قىرۋار جۇمىس اتقارىلدى. باستى ماقسات - قازاق مادەنيەتىن شەتەلگە تانىستىرۋ. ونىڭ ىشىندە ادەبيەتتىڭ ورنى بولەك. ادەبيەت - ونەردىڭ شىڭى، مادەنيەتتىڭ قازىعى. سوندىقتان ءار حالىقتىڭ نەگىزگى بولمىسىن، دۇنيەتانىمىن ادەبيەت ارقىلى تانۋعا بولادى. ەكى جىل ىشىندە بىزدە تاۋەلسىزدىك كەزەڭىندە بولماعان ۇلكەن قادام جاسالدى. ۇلتتىق مادەنيەتىمىزدىڭ بار جەتىستىگىن الەمدىك مادەنيەتتىڭ التىن قورىنا قوسۋدىڭ العاشقى قادامى ادەبيەتتەن باستالىپ وتىر. قازاق ادەبيەتىنىڭ ەڭ وزىق تۋىندىلارىن ب ۇ ۇ 6 تىلىندە سويلەتۋگە ءورىس اشىلدى.


Қазақстандық 30 қаламгердің шыÒ

قازاق اقىن جازۋشىلارىنىڭ 2 تومدىق انتولوگياسى اعىلشىن، ورىس، اراب، يسپان، فرانسۋز، قىتاي تىلدەرىنە اۋدارىلدى»، - دەدى ايدا بالايەۆا.

ونىڭ ايتۋىنشا، 160 قازاقستاندىق اۆتوردىڭ تاڭدامالى شىعارمالارى ءبىر مەزەتتە الەمنىڭ ەڭ ءىرى 6 تىلىنە اۋدارىلىپ، سول تىلدەردە جۇمىس ىستەيتىن ەڭ بەدەلدى باسپالاردان شىعىپ، 5 قۇرلىقتاعى 90-نان اسا ەلدىڭ جوعارى وقۋ ورىندارى، كىتاپحانالارى مەن عىلىمي ورتالىقتارىنا جەتەدى.

جالپى سانى 2 ميلليارد 600 ميلليون حالىق قازىرگى قازاق ادەبيەتىنىڭ جاۋھارلارىمەن تانىسۋعا مۇمكىندىك الادى. سونداي- اق، جيىندا «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيا مۇشەلەرى، قازاقستان رەسپۋبليكاسى مادەنيەت جانە سپورت مينيسترلىگىنىڭ وكىلدەرى، قازاقستان جازۋشىلار وداعى مەن «ۇلتتىق اۋدارما بيۋروسى» قوعامدىق قورىنىڭ وكىلدەرى بولدى.


Қазақстандық 30 қаламгердің шыÒ

ايتا كەتەيىك، «جاھانداعى زاماناۋي قازاقستاندىق مادەنيەت» جوباسى اياسىندا قازىرگى قازاق ادەبيەتىنىڭ انتولوگيالارىن ب ۇ ۇ- نىڭ 6 تىلىنە اۋدارۋ جۇمىسى قولعا الىنعان بولاتىن.

انتولوگيانىڭ اعىلشىن تىلىندەگى نۇسقاسىن ۇلى بريتانيانىڭ كەمبريدج ۋنيۆەرسيتەتىنىڭ باسپاسى ازىرلەدى. انتولوگيانىڭ يسپان تىلىندەگى نۇسقاسىن شىعارۋدى وسى ەلدىڭ مادەنيەت مينيسترلىگى قولدادى. ايگىلى سەرۆانتەس ينستيتۋتى كەڭەسشى رەتىندە تارتىلىپ وتىر. ال 40 جىلدىق تاريحى بار «ۆيزور» باسپا ءۇيى انتولوگيانى باسىپ، يسپانيانىڭ وزىندە جانە لاتىن امەريكاسىندا يسپان تىلىندە سويلەيتىن 20 شاقتى ەلگە تاراتادى.

فرانسيادا پاريج قالاسىنىڭ مەرياسىنىڭ نۇسقاۋىمەن فرانسيانىڭ ۇلتتىق كىتاپ ورتالىعى جانە پاريجدەگى باسپا ءۇيى اۋدارما جۇمىسىن ۇيىمداستىرىپ، قازاق ادەبيەتىنىڭ انتولوگياسىن فرانسيا، شۆەيساريا، بەلگيا جانە فرانسۋز تىلىندە سويلەيتىن تاعى 30 شاقتى ەلگە تاراتادى. ميحايل لومونوسوۆ اتىنداعى ماسكەۋ مەملەكەتتىك ۋنيۆەرسيتەتى ورىس تىلىندەگى نۇسقانى ازىرلەسە، قىتاي حالىق رەسپۋبليكاسىنىڭ ۇلتتار باسپاسى ەكى جيناقتىڭ قىتاي تىلىندەگى نۇسقالارىن دايارلايدى. ال اراب تىلىندەگى نۇسقانى دايارلاۋ مىندەتىن مىسىر اراب رەسپۋبليكاسىنىڭ مادەنيەت جانە ءبىلىم ورتالىعى ءوز موينىنا الىپ وتىر.

بۇل جوبا قازاقستان رەسپۋبليكاسى تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسىمەن جۇزەگە اسىپ جاتقان «رۋحاني جاڭعىرۋ» باعدارلاماسى باعىتتارىنىڭ ءبىرى. ول تاۋەلسىزدىك جىلدارىنداعى قازاق ادەبيەتى مەن مادەنيەتى، مۋزىكاسى مەن بەينەلەۋ ونەرىن، حورەوگرافيا، كينو جانە تەاتر سالاسىنداعى جەتىستىكتەرىن الەمگە تانىتۋدى ماقسات ەتەدى.

جوعارىدا اتالعان سەرىكتەس- ۇيىمدار اۋدارما، باسىپ شىعارۋ، تاراتۋ- ناسيحاتتاۋ جۇمىستارىنا جالپى سانى 70 تەن اسا ماماندى جۇمىلدىردى. جوبا ق ر مادەنيەت جانە سپورت مينيسترلىگىنىڭ تاپسىرىسى بويىنشا «ۇلتتىق اۋدارما بيۋروسى» قوعامدىق قورىنىڭ ۇيلەستىرۋىمەن جۇزەگە اسۋدا.

اۆتور: گۇلميرا عوسمانالي


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات