+7 (701) 759 90 19
-8 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

كوپ جاعدايدا 30-49 جاس ارالىعىنداعى ەر ادامدار جوعالادى - زەرتتەۋ

21 قاڭتار 14:15
:ءبولىسۋ
كوپ جاعدايدا 30-49 جاس ارالىعىنداعى ەر ادامدار جوعالادى - زەرتتەۋ

نۇر-سۇلتان. قازاقپارات - بۇگىندە حابار-وشارسىز جوعالعان 2247 ادام ىزدەستىرىلۋدە.

بۇل تۋرالى قازاقپارات ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنە سىلتەمە جاساپ حابارلايدى.

«قازىرگى ۋاقىتتا 11133 ادامعا ىزدەۋ سالىنعان، ونىڭ 2247 ءسى حابار-وشارسىز جوعالعاندار. ەڭ كوپ حابار-وشارسىز جوعالعاندار الماتى قالاسى (328)، شىعىس قازاقستان (221)، الماتى (309) جانە قاراعاندى وبلىستارىندا (221). 30-49 جاس ارالىعىندا ءارتۇرلى جاعدايلارمەن كوبىنەسە ءجيى ەر ادامدار (%76) جوعالادى»، - دەلىنگەن كوميتەت حابارلاماسىندا .

تاراتىلعان مالىمەتكە قاراعاندا، ۇيىنەن كەتىپ ورالماعاندار – 1723، اۆتوكولىكپەن جوعالعاندار – 74، جۇمىستان كەتكەندەر - 36.

«سونىمەن بىرگە، ەلىمىزدە تەرگەۋدەن جانە سوتتان جاسىرىنعان 2453 ادامعا، ياعني ەڭ كوبى الاياقتىق (451)، ۇرلىق جاساۋ (270) جانە كىسى ولتىرگەنى (166) ءۇشىن الماتى قالاسى (463)، الماتى (245) جانە شىعىس قازاقستان وبلىستارىندا (203) ىزدەۋ سالىنعان. ولار نەگىزىنەن 31-40 جاس ارالىعىنداعى ەر ادامدار (%89)»، - دەپ اتالىپ وتكەن كوميتەت اقپاراتىندا.

ايتا كەتەيىك، قازاقستاندا ىزدەۋ سالۋدى ىشكى ىستەر، ۇلتتىق قاۋىپسىزدىك، قورعانىس ورگاندارى، ەكونوميكالىق تەرگەۋ جۇرگىزۋ، مەملەكەتتىك كۇزەت جانە سىبايلاس جەمقورلىققا قارسى قىزمەتتەرى جۇزەگە اسىرادى. بارلىق ىزدەۋ ىستەرىن تىركەۋ، سونىمەن قاتار مەملەكەتارالىق اقپاراتتار بانكىمەن ءوزارا بايلانىس جاساۋدى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى جۇزەگە اسىرادى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات