+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

تاۋەلسىزدىكتىڭ 30 جىلىندا ەلدەگى ب ا ق سانى 407 دەن 4,5 مىڭعا ارتتى

24 ماۋسىم 19:28
:ءبولىسۋ
تاۋەلسىزدىكتىڭ 30 جىلىندا ەلدەگى ب ا ق سانى 407 دەن 4,5 مىڭعا ارتتى

نۇر-سۇلتان. قازاقپارات - تاۋەلسىزدىك جىلدارىندا ەلدەگى اقپارات قۇرالدارىنىڭ سانى 407 دەن 4,5 مىڭعا كوبەيدى.

بۇل تۋرالى اقپارات جانە قوعامدىق دامۋ ءمينيسترى ايدا بالايەۆا URKER-2021 ۇلتتىق بايگەسىنىڭ ماراپاتتاۋ شاراسىندا ايتتى، دەپ حابارلايدى قازاقپارات.

«وسى ءساتتى پايدالانىپ جۋرناليستەر قاۋىمى مەن بارشا اقپارات سالاسىنىڭ ماماندارىن كاسىبي مەرەكەمەن شىن جۇرەكتەن قۇتتىقتايمىن. ەل تاۋەلسىزدىگىنىڭ 30 جىلى ىشىندە مەملەكەتىمىزگە وتكەن وتاندىق مەديا سالاسى دا جاڭارۋ، دامۋ كەزەڭىنەن ءوتتى. تاۋەلسىزدىكتىڭ العاشقى جىلدارى ەلىمىزدە تەك 407 اقپارات قۇرالى، سونىڭ ىشىندە ەكى تەلەارنا عانا بولسا، قازىر ولاردىڭ سانى 4,5 مىڭنان استى. ءبىر عانا «Qazaqstan» ۇلتتىق ارناسى بۇگىندە قۇرامىنا 5 رەسپۋبليكالىق، 14 وڭىرلىك تەلەارنا، 4 راديو ەنەتىن ۇلكەن ۇلتتىق كورپوراتسياعا اينالدى»، - دەدى مينيستر.

ۆەدومستۆو باسشىسى اقپارات قۇرالدارىنىڭ سانىمەن بىرگە ساپاسى دا ارتقانىن اتادى.

«ۇلتتىق مەديا تاريحىندا تۇعىش رەت بالالار ارناسى Balapan، سپورت ارناسى QazSport، كورەرمەندەرىڭ كوزايىمى بولىپ وتىرعان Abai ارناسى ىسكە قوسىلدى. تاۋلىك بويى اقپارات تاراتاتىن «حابار-24»، 10 ميلليونعا جۋىق كورەرمەنى بار «el Arna «، الەمنىڭ 120 دان استام ەلىنە حابار تاراتاتىن Qazaq.tv بار «حابار» اگەنتتىگى - بۇگىن ەڭ ءىرى مەدياورتالىق. جالپى ەل اۋماعىندا قازىرگى تاڭدا 184 تەلەارنا، 79 راديو، 790 اقپاراتتىق اگەنتتىك بار»، - دەدى ايدا بالايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات