12:15, 14 - مامىر 2021 | GMT +6
تاۋەلسىزدىكتىڭ 30 جىلدىعىنا 30 كينوتۋىندى ازىرلەنەدى
نۇر-سۇلتان. قازاقپارات - «ۇلى دالا تاڭى» اتتى تاريحي كوركەم فيلمىنىڭ تۇساۋكەسەرى تاۋەلسىزدىك كۇنى قارساڭىندا وتەدى، دەپ حابارلايدى قازاقپارات ءتىلشىسى.
بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ورتالىق كوممۋنيكاتسيالار قىزمەتىندە ءوتىپ جاتقان ەل الدىنداعى ەسەبىندە ايتتى.
«تاۋەلسىزدىك «30 جىلدىعىنا ارنالعان 30 كينتوتۋىندى» جوباسى اياسىندا، تاربيەلىك سيپاتتاعى تاريحي، كوركەم جانە انيماتسيالىق فيلمدەر ازىرلەنەدى. تاۋەلسىزدىك كۇنى قارساڭىندا ەڭ كۇتىلەتىن كينوجوبالاردىڭ ءبىرى - «ۇلى دالا تاڭى» اتتى تاريحي كوركەم فيلمىنىڭ تۇساۋكەسەرى دە وتەتىن بولادى»، - دەدى مينيستر.
ايتا كەتەيىك، مادەنيەت جانە سپورت ءمينيسترىنىڭ حالىق الدىنداعى ەسەپ بەرۋ كەزدەسۋا ەلدەگى ەپيدەميولوگيالىق جاعدايعا بايلانىستى تىكەلەي كورسەتىلىم ارقىلى ءوتىپ جاتىر.