+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

سەۋل تۇرعىندارىنىڭ سانى سوڭعى 30 جىل ىشىندە العاش رەت 10 ميلليوننان ازايدى

3 ناۋرىز 14:31
:ءبولىسۋ
سەۋل تۇرعىندارىنىڭ سانى سوڭعى 30 جىل ىشىندە العاش رەت 10 ميلليوننان ازايدى

سەۋل. YONHAP- قازاقپارات - سەۋل تۇرعىندارىنىڭ سانى 30 جىل ىشىندە العاش رەت 10 ميلليون ادامنان ازايدى.

بۇل تۋرالى سارسەنبى كۇنى قالا ۇكىمەتى مالىمدەدى، دەپ حابارلايدى قازاقپارات YONHAP اگەنتتىگىنە سىلتەمە جاساپ.

استانا تۇرعىندارىنىڭ جالپى سانى بىلتىرعى جىلدىڭ سوڭىندا 9911088 ادام بولعان،

ونىڭ 9668465 ى ەل ازاماتى بولسا 242623 ى - شەتەلدىك، دەپ حابارلادى جەرگىلىكتى ۇكىمەت ىشكى ىستەر جانە ادىلەت مينيسترلىكتەرىنىڭ دەرەگىنە سىلتەمە جاساپ.

1988 -جىلى سەۋل تۇرعىندارىنىڭ سانى 10 ميلليوننان اسقان بولاتىن، سودان بەرى العاش رەت بۇل كورسەتكىشتەن تومەندەپ وتىر. جەرگىلىكتى ۇكىمەتتىڭ حابارلاۋىنشا، وڭتۇستىك كورەيا استاناسىندا سول جىلى 10,29 ميلليون ادام تۇردى، 1992 -جىلى ەڭ جوعارى كورسەتكىش - 10,97 ميلليون تۇرعىن تىركەلدى.

بىلتىر سەۋل تۇرعىندارىنىڭ سانى 2019 -جىلمەن سالىستىرعاندا 99895 ادامعا نەمەسە 1 پايىزعا كەمىدى، ونىڭ ىشىندە وڭتۇستىك كورەيا تۇرعىندارى 60642 بولسا، شەتەل ازاماتتارىنىڭ سانى - 39253 ادام. سەۋلدىڭ دەموگرافيا ۇردىسىنەن قارتايىپ بارا جاتقان قوعامدى بايقاۋعا بولادى. بىلتىر 0-4 جاس ارالىعىنداعى سەۋل تۇرعىندارىنىڭ سانى بىردەن 10,26 پايىزعا ازايىپ كەتتى، ال 85-89 جاس ارالىعىنداعى تۇرعىندار سانى كەرىسىنشە 11,42 پايىزعا ارتتى.

ايتا كەتكەن ءجون، سەۋل تۇرعىندارىنىڭ ورتاشا جاسى 42,7 دەن 43,2 گە كوتەرىلدى.

اۆتور: بالنۇر قوجاگەلدى


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات