ارگەنتينادا ينفلياتسيا سوڭعى 30 جىلدا العاش رەت 100 پايىزدان اسىپ ءتۇستى

None
استانا. قازاقپارات - ارگەنتينا ستاتيستيكا قىزمەتىنىڭ مالىمەتىنشە، اقپان ايىندا ەلدەگى ينفلياتسيا دەڭگەيى % 102,5- عا جەتتى.

سوڭعى ءبىر جىلدا ەلدەگى باعا ەكى ەسەدەن استام ءوستى. بۇل - 1990 -جىلدار باسىنداعى گيپەرينفلياتسيادان كەيىن ءبىرىنشى رەت بولعان جاعداي.

ارگەنتينا ۇزاق جىلدار بويى ەكونوميكالىق قيىندىقتاردى باستان كەشىرىپ كەلەدى جانە مۇنداعى حالىقتىڭ كوپشىلىگى كەدەيشىلىكتە ءومىر ءسۇرىپ جاتىر.

ەل ۇكىمەتى ازىق- تۇلىك پەن باسقا دا تاۋارلار باعاسىن شەكتەۋ ارقىلى ينفلياتسيانى ۇستاۋعا تىرىسۋدا.

وعان قاراماستان ازىق- تۇلىك پەن الكوگولدىڭ باعاسى ايتارلىقتاي كوتەرىلدى. بيىلعى اقپان ايىندا عانا قاڭتار ايىمەن سالىستىرعاندا ءوسىم % 9,8- دى قۇراعان.

ارگەنتينالىق ب ا ق باعانىڭ كۇرت كوتەرىلۋىنە باستى سەبەپ - ەت باعاسى دەپ شامالاپ وتىر.

ءبىر ايدىڭ ىشىندە ول % 20- عا قىمباتتاعان.

«كۇن رايىنىڭ قولايسىزدىعى، ۇزاققا سوزىلعان اپتاپ ىستىق پەن قۇرعاقشىلىق (قازىر ارگەنتينادا كۇزدىڭ باسى) مال سانى مەن ەگىنگە ايتارلىقتاي اسەر ەتتى» دەپ حابارلايدى جەرگىلىكتى Ambito اقپارات اگەنتتىگى.

قازىر ارگەنتينادا 1000 پەسو - ەڭ ءىرى اقشا بەلگىسى.

ارگەنتينا ۇكىمەتىنىڭ ينفلياتسيانى تەجەۋ ارەكەتىنە ەل باسشىلىعىنداعى قايشىلىقتار كەدەرگى كەلتىرىپ وتىر.

اۆتور

زارينا تۋعانبايەۆا


سوڭعى جاڭالىقتار