قازاقستان-رەسەي 3 ميلليارد دوللار بولاتىن 9 ءىرى جوبانى ىسكە اسىرۋدا - ۇكىمەت
4 شىلدە 19:59

قازاقستان-رەسەي 3 ميلليارد دوللار بولاتىن 9 ءىرى جوبانى ىسكە اسىرۋدا - ۇكىمەت

نۇر-سۇلتان. قازاقپارات - پرەمەر-مينيستر ءاليحان سمايىلوۆ XII «يننوپروم» حالىقارالىق ونەركاسىپتىك كورمەسىنىڭ ەكسپوزيتسياسىمەن تانىسىپ، اشىلۋىنا قاتىستى، دەپ حابارلايدى قازاقپارات ۆەدومستۆونىڭ تەلەگرام-ارناسىنا سىلتەمە جاساپ.

«ونەركاسىپتىك اۋىسۋ: سىن-قاتەرلەردەن جاڭا مۇمكىندىكتەرگە» تاقىرىبىنداعى كورمە ەكاتەرينبۋرگ قالاسىندا 4-7- شىلدە ارالىعىندا وتەدى. ق ر ۇكىمەتىنىڭ باسشىسى قازاقستاننان كەلگەن دەلەگاتتار ءۇشىن وسى الاڭدا كەزدەسىپ، ونەركاسىپتى دامىتۋ پەرسپەكتيۆالارىن تالقىلاۋ، سىندارلى ۇسىنىستار مەن پىكىر الماسۋ، كوپتەگەن ماسەلەلەر بويىنشا ءوزارا قولايلى شەشىمدەرگە قول جەتكىزۋ يگى داستۇرگە اينالعانىن اتاپ ءوتتى.

«ەلدەرىمىز اراسىنداعى ونەركاسىپتىك كووپەراتسيا سالاسىنداعى ىنتىماقتاستىقتىڭ جوعارى قارقىنىن ەرەكشە اتاپ وتكىم كەلەدى. بۇعان قازاقستان-رەسەي وندىرىستىك كووپەراتسياسى سالاسىنداعى بىرلەسكەن ءىس-قيمىل باعدارلاماسىن ىسكە اسىرۋ ايتارلىقتاي سەرپىن بەردى»، - دەدى ءاليحان سمايىلوۆ.

وسىلايشا، جەڭىل اۆتوموبيلدەر، ەلەكتروۆوزدار مەن تراكتورلار ءوندىرىسىن قوسا العاندا، $450 ميلليونعا جۋىق سوماعا 13 ءىرى جوبا بىرلەسىپ ىسكە اسىرىلدى.

جالپى قۇنى $3 ميلليارد بولاتىن تاعى 9 ءىرى بىرلەسكەن جوبا ىسكە اسىرىلۋ ساتىسىندا.

ءاليحان سمايىلوۆ قازاقستان مەن رەسەي عىلىمي-تەحنيكالىق، يننوۆاتسيالىق جانە وندىرىستىك سالالارداعى كووپەراتسياعا باعىتتالعان جاڭارتىلعان تەحنولوگيالىق بازانى قۇرۋ بويىنشا ءوزارا ءىس-قيمىل جاساي باستاعانىن ەسكە سالدى.

ۇكىمەت باسشىسىنىڭ ايتۋىنشا، بۇل ءۇشىن قازاقستاندا ونەركاسىپتىڭ ءوسۋىن ىنتالاندىرۋ بويىنشا قاجەتتى قۇقىقتىق جانە ينستيتۋتسيونالدىق نەگىز، ونىڭ ىشىندە شيكىزاتتىڭ جەتكىلىكتى كولەمىمەن قامتاماسىز ەتۋ تەتىگى مەن ۇزاق مەرزىمدى شارتتاردىڭ قۇرالى بار.

جاڭالىقتار