الماتىدا قىلمىستىق توپ جالعان فيرمالار ارقىلى 3,9 ميلليارد تەڭگەنى قولما- قول اقشاعا اينالدىرعان

None
None
الماتى. قازاقپارات - الماتىدا 3,9 ميلليارد تەگەنى قولما- قول اقشاعا اۋدارعان قىلمىستىق توپ مۇشەلەرى سوتتالدى، دەپ حابارلايدى قازاقپارات قارجىلىق مونيتورينگ اگەنتىگىنىڭ باسپا ءسوز قىزمەتىنە سىلتەمە جاساپ.

اگەنتتىكتىڭ الماتى قالاسى بويىنشا ەكونوميكالىق تەرگەپ- تەكسەرۋ دەپارتامەنتى 2017-2019 -جىلدار ارالىعىندا وعان قوماقتى سومانى قولما- قول اقشاعا اۋدارعان قىلمىستىق توپتى انىقتادى. ولار وزدەرىنە باعىنىشتى 7 كومپانيا ارقىلى 3,9 ميلليارد تەڭگەنى قولما- قول اقشاعا اۋدارعان. ءىس فيگۋرانتتارى 6 ادام، ونىڭ ىشىندە بۇرىنعى قارجى پوليتسياسىنىڭ قىزمەتكەرى مەن ءبىر بانكتىڭ بولىمشەسىنىڭ باسشىسى بار.

«سوت ۇكىمىمەن ايىپتالۋشىلار قىلمىستىق كودەكستىڭ 28-بابى 5-بولىگى، 216-بابىنىڭ 3-بولىگى (ناقتى جۇمىستاردى ورىنداماي، قىزمەتتەردى كورسەتپەي جانە تاۋارلاردى جونەلتپەي شوت- فاكتۋرالار جازىپ بەرۋ بويىنشا ارەكەتتەر جاساۋ) بويىنشا كىنالى دەپ تانىلىپ، باس بوستاندىعىنان ايىرۋ تۇرىندەگى ءارتۇرلى جازا مەرزىمىنە سوتتالدى. قىلمىستىق توپ مۇشەلەرىنىڭ مۇلىگى مەملەكەت كىرىسىنە الىندى»، دەلىنگەن حابارلامادا.

2020 -جىلى اتالمىش دەپارتامەنت قىلمىستىق كودەكستىڭ 2016-بابى بويىنشا 85 قىلمىستىق ءىس قوزعادى، سونىڭ ىشىندە جالعان فيرمالاردىڭ بانك شوتتارىنان قاراجاتتى قولما- قول اقشاعا اينالدىرۋ سالاسىنداعى قىلمىستىق توپتى قۇرۋ جانە وعان باسشىلىق ەتۋدىڭ 3 فاكتىسى انىقتالدى.


سوڭعى جاڭالىقتار