USD 434.84 EUR 498.2
RUB 5.72 CNY 68.47
جاڭالىقتار

بيىل جالپى ىشكى ءونىمنىڭ ءوسىمى 3,8 پايىزعا دەيىن جەتتى - اسقار مامين

9 جەلتوقسان 10:02
:ءبولىسۋ
بيىل جالپى ىشكى ءونىمنىڭ ءوسىمى 3,8 پايىزعا دەيىن جەتتى - اسقار مامين

نۇر- سۇلتان. قازاقپارات – ق ر پرەمەر- ءمينيسترى اسقار ءماميننىڭ ايتۋىنشا، 11 ايدا ەلدە 13,4 ميلليون شارشى مەتر تۇرعىن ءۇي پايدالانۋعا بەرىلگەن، دەپ حابارلايدى قازاقپارات ءتىلشىسى.

«11 ايدىڭ قورىتىندىسى بويىنشا جالپى ىشكى ءونىمنىڭ ءوسىمى 3,8 پايىزعا دەيىن جەتتى. جالپى ەكونوميكانىڭ بارلىق سالالارىندا ءوسىم قارقىنى بايقالادى. ناقتى سەكتوردىڭ وڭدەۋ ونەركاسىبىندە ءوسىم 5,2 پايىز بولدى. ونىڭ ىشىندە ماشينا جاساۋ - 18,6 پايىز، اۆتوموبيل قۇراستىرۋ - 21,3 پايىز، لوكوموتيۆ پەن ۆاگوندار ءوندىرىسى - 56,7 پايىز ءوستى. قۇرىلىس ماتەريالدارىنىڭ ءوندىرىسى - 9,2 پايىز، فارماتسيەۆتيكادا - 27,9 پايىز ارتتى»، - دەدى ول ۇكىمەت وتىرىسىندا.

ۇكىمەت باسشىسىنىڭ مالىمەتىنە قاراعاندا، كومىر ءوندىرۋ سالاسىنداعى 0,7 پايىز ءوسىم مەن تەمىر كەنىن وندىرۋدەگى 3,9 پايىز ءوسىمنىڭ ەسەبىنەن تاۋ- كەن ءوندىرىسىنىڭ دە قالىپقا كەلگەنىن بايقاۋعا بولادى.

«قىزمەت كورسەتۋ سەكتورىندا تۇراقتى ءوسىم بار. بايلانىس، ساۋدا جانە كولىك قىزمەتتەرىندەگى جوعارى قارقىن ەسەبىنەن ءوسىم 3,9 پايىز جىلدامدادى. قۇرىلىس سالاسى دا سەنىمدى دامىپ كەلەدى. ءوسىم - 6,2 پايىز دەڭگەيىندە. 11 ايدا ەلدە 13,4 ميلليون شارشى مەتر تۇرعىن ءۇي پايدالانۋعا بەرىلدى. بۇل وتكەن جىلعا قاراعاندا 10,6 پايىز كوپ»، - دەدى اسقار مامين.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات