ەكى ايدا كوروناۆيرۋسپەن سىرقاتتانۋ كولەمى 3,8 ەسە ازايدى

نۇر-سۇلتان. قازاقپارات - كەيىنگى ءبىر ايدا ەلىمىزدەگى كوروناۆيرۋسپەن اۋرۋدىڭ تاۋلىكتىك كورسەتكىشى 2,4 ەسە ازايعان.

بۇل تۋرالى ق ر دەنساۋلىق ساقتاۋ ءمينيسترى الەسەي سوي ۇكىمەت وتىرىسىندا ايتتى، دەپ حابارلايدى قازاقپارات ءتىلشىسى.

«جالپى قازاقستاندا سوڭعى ەكى ايدا سىرقاتتانۋ كورسەتكىشى 3,8 ەسە، ال ءولىم- ءجىتىم 3,6 ەسە تومەندەدى. بۇگىنگى تاڭدا جاسىل ايماقتا 6 ءوڭىر بار. ولار: جامبىل، قىزىلوردا، ماڭعىستاۋ، تۇركىستان، اقتوبە وبلىستارى جانە شىمكەنت قالاسى. جالپى قازاقستان رەسپۋبليكاسى جانە 5 ءوڭىر سارى ايماقتا. قىزىل ايماقتا 6 ءوڭىر (نۇرسۇلتان، الماتى قالالارى، اقمولا، قوستاناي، پاۆلودار جانە سولتۇستىك قازاقستان وبلىستارى) قالىپ وتىر»، - دەگەن مينيستر كەيىنگى ءبىر ايدا تاۋلىكتىك سىرقاتتانۋ كولەمى 2,1 ەسە ازايعانىن اتادى.

«اۋىر جانە وتە اۋىر جاعدايلاردىڭ سانى 1,6 ەسە ازايدى. سونداي- اق، ستاتسيونارلىق ەمدەلۋدەگى ناۋقاستار سانىنىڭ 1,4 ەسە (18-قىركۇيەكتەگى جاعداي بويىنشا 13 ازايۋى، امبۋلاتوريالىق ەمدەلۋدەگى ناۋقاستار سانى 1,3 ەسە تومەندەگەنى بايقالىپ وتىر»، - دەدى الەكسەي سوي ۇكىمەت وتىرىسىندا.