بيۋدجەتتەن الەۋمەتتىك قامسىزداندىرۋعا 3,8 تريلليون تەڭگە بولىنەدى - مينيستر
بۇل تۋرالى حالىققا ەسەپ بەرۋ كەزدەسۋىندە ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتىپ بەردى، دەپ حابارلايدى قازاقپارات.
«2020 -جىلى مەملەكەتتىڭ بارلىق الەۋمەتتىك مىندەتتەمەلەرى تولىق كولەمدە ورىندالدى. زەينەتاقىلار، جاردەماقىلار ۋاقىتىندا تولەندى. وتكەن جىلى رەسپۋبليكالىق بيۋدجەتتەن بەرىلەتىن الەۋمەتتىك تولەمدەر 3,4 تريلليون تەڭگەنى قۇرادى، بۇل رەسپۋبليكالىق بيۋدجەت شىعىستارىنىڭ % 24- دان استامىن قۇرايدى. الەۋمەتتىك قاتەرلەر تۋىنداعان كەزدە جۇمىس ىستەيتىن ازاماتتاردى قولداۋ ءۇشىن مىندەتتى الەۋمەتتىك ساقتاندىرۋ جۇيەسىنەن 250 ميلليارد تەڭگە تولەم جۇرگىزىلدى. بيىل الەۋمەتتىك قامسىزداندىرۋعا ارنالعان بيۋدجەت شىعىندارى 3,8 تريلليون تەڭگەگە دەيىن ءوسىپ، رەسپۋبليكالىق بيۋدجەت شىعىستارىنىڭ % 27- دان استامىن قۇرادى»، - دەپ حابارلادى سەرىك شاپكەنوۆ.
مەملەكەت باسشىسىنىڭ تاپسىرماسىن ورىنداۋ ماقساتىندا 2020 -جىلى ازاماتتاردى قولداۋ ءۇشىن زەينەتاقى تولەمدەرى مەن مەملەكەتتىك جاردەماقىلار مولشەرى ەكى ەسەگە ارتتى.
«ىنتىماقتى زەينەتاقىنىڭ ءوسىمى % 12- دى، ال بازالىق زەينەتاقى مەن مەملەكەتتىك جاردەماقىلار % 10 ءوستى. 2021 -جىلعى 1 -قاڭتاردان باستاپ زەينەتاقى مەن جاردەماقى قايتادان يندەكستەلدى. ناتيجەسىندە ىنتىماقتى زەينەتاقى % 7- عا، بازالىق زەينەتاقى مەن مەملەكەتتىك جاردەماقى % 5- عا ءوستى»، - دەدى مينيستر.
اۆتور: ايجان سەرىكجان قىزى