بۇگىن 3 ميلليون 700 مىڭنان استام وقۋشى وقۋ جىلىن اياقتادى

استانا. قازاقپارات - قازاقستاندا 172 مىڭ تۇلەك 11 -سىنىپ ءبىتىردى، ونىڭ 6 مىڭ 800- ءى «التىن بەلگى» ۇمىتكەرلەرى. ال 9- سىنىپتى 288 مىڭنان استام تۇلەك ءتامامادادى، دەپ حابارلايدى قازاقپارات ق ر وقۋ- اعارتۋ مينيسترلىگىنىڭ Telegram كانالىنا سىلتەمە جاساپ.

ۆەدومستۆو تاراتقان مالىمەتتەرگە قاراعاندا، 1-10- سىنىپتار ارالىعىنداعى بالالاردىڭ % 85,3 جازعى دەمالىس جانە ساۋىقتىرۋمەن قامتىلاتىن بولادى. بۇل - ەل بويىنشا 2 ميلليون 800 مىڭ بالا. ونىڭ ىشىندە 500 مىڭ جەكەلەگەن ساناتتاعى وتباسى بالالارى بار.

بالالار دەمالىسىن ۇيىمداستىرۋ ءۇشىن 218 قالا سىرتىنداعى جانە 10200 مەكتەپ جانىنداعى، پروفيلدىك، شاتىرلى لاگەرلەر جۇمىس ىستەيتىن بولادى.

سونىمەن قاتار «ەتنواۋىل»، «جازدىق جولداما» جوبالارى ىسكە اسىرىلادى. جەتەكشى ۋنيۆەرسيتەتتەر جانىنداعى جازعى جانە وليمپيادالىق رەزەرۆ مەكتەپتەرى جۇمىس ىستەيدى.

جازعى دەمالىستا 1 ميلليون 400 مىڭ بالا ءۇشىن قوسىمشا ءبىلىم بەرۋ مەكەمەلەرىندەگى سەكسيالار مەن ۇيىرمەلەر اشىلادى. عىلىمي- تەحنيكالىق، مۋزىكالىق، كوركەمدىك، ەكولوگيالىق، تۋريستىك جانە باسقا دا باعىتتارداعى 11 مىڭ ۇيىرمە بالالاردى قابىلدايدى.

سونداي- اق بالالار «جاسىل ەل» باعدارلاماسى شەڭبەرىندە كوگالداندىرۋمەن شۇعىلدانادى، ەلىمىزدىڭ كيەلى جەرلەرىنە ساياحاتتاپ، سپورتتىق جاتتىقتىرۋ جيىندارىندا شىنىعادى، تىلدىك كۋرستارعا قاتىسا الادى.