+7 (701) 759 90 19 Лента
27 °С : Нур-Султан
36 °С : الماتى
USD 384.39 EUR 431.71
RUB 6.11 CNY 55.88
جاڭالىقتار

ءبىر عانا ەلدە 3 جىلدا ەسىرتكىمەن كۇرەستىڭ كەسىرىنەن 6 جارىم مىڭنان اسا ادام مەرت بولعان

26 ماۋسىم 01:22 266
:ءبولىسۋ
ءبىر عانا ەلدە 3 جىلدا ەسىرتكىمەن كۇرەستىڭ كەسىرىنەن 6 جارىم مىڭنان اسا ادام مەرت بولعان

نۇر-سۇلتان. قازاقپارات - فيليپپيندە اينالدىرعان ءۇش جىل ىشىندە ەسىرتكىمەن قارقىندى جۇرگىزىلگەن كۇرەس كەزىندە شامامەن 6,6 مىڭ ادام وپات بولعان.

بۇدان بولەك، 240,5 مىڭ ادامنىڭ قولىنا كىسەن سالىنىپ، تەمىر توردىڭ ارعى جاعىنا توعىتىلعان. سونداي-اق، 1,28 ميلليون ادام ءوز ەركىمەن بەرىلگەن. بۇل جايىندا Manila Bulletin مەرزىمدى باسىلىمى اتالعان ەل پوليتسياسىنىڭ دەرەگىنە سىلتەمە جاساي وتىرىپ، حابار تاراتتى.

ناقتىراق ءارى تارقاتىپ ايتقاندا، فيليپپيندىك پوليتسيا وكىلى وسكار البايالدە 2016 -جىلدىڭ ماۋسىم ايىنىڭ 1 نەن 2019 -جىلدىڭ مامىر ايىنىڭ 31 نە دەيىنگى ارالىقتا ەل اۋماعىندا جۇرگىزىلگەن ەسىرتكىگە قارسى كۇرەستىڭ ناتيجەسىن جاريالاعان بولاتىن. ونىڭ ايتۋىنشا، 42 مىڭ كۆارتالدىڭ نەمەسە ەلدى-مەكەننىڭ 12,2 مىڭى ەسىرتكىدەن ازات ەتىلگەن. ەسىرتكىمەن قارقىندى كۇرەستىڭ ناتيجەسىندە 32,4 ميلليارد فيليپپيندىك پەسوعا (شامامەن 625 ميلليون دوللارعا) باعالانعان ەسىرتكى مەن زەرتحانالىق قۇرال- جابدىق تاركىلەنگەن.

ەستەرىڭىزگە سالا كەتسەك، 2016 -جىلدىڭ مامىر ايىندا اتالعان ەلدىڭ پرەزيدەنتى بولىپ سايلانعان رودريگو دۋتەرتە تۇتاس ەلدى شىرماۋىقتاي جايلاعان ەسىرتكىمەن كۇرەستى ءوزىنىڭ باستى مىندەتى ەتىپ بەلگىلەگەن بولاتىن.

الەم قاۋىمداستىعى ەسىرتكى ەلى اتاپ كەتكەندىكتەن بۇل ابىرويسىز اتاقتان قۇتىلۋ ءۇشىن فيليپپين بيلىگى جاتپاي-تۇرماي كۇرەس جۇرگىزۋدە. ازاماتتىق سوعىستان كەم تۇسپەيتىن بۇل كۇرەستە تالاي ادام قوساق اراسىندا كەتىپ، ناقاق ولگەندەرى قانشاما. بىرىككەن ۇلتتار ۇيىمى اتالعان ەل بيلىگىن ەسىرتكىمەن كۇرەس شارالارىندا شەكتەن تىس قاتالدىعىن، كۇدىكتىلەردى سوتسىز-تەرگەۋسىز اتىپ تاستايتىن ارەكەتىن سىنعا العان بولاتىن.

islam.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Мухамедиярова Жанара
Мухамедиярова Жанара
954-049

مۇراعات