12:02, 30 - قىركۇيەك 2020 | GMT +6
قازاقستاننىڭ 3 قالاسىندا 5G قاشان قوسىلاتىنى بەلگىلى بولدى
نۇر- سۇلتان. قازاقپارات - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين 5G جەلىسى ەلىمىزدىڭ ءىرى ءۇش قالاسىندا قاشان قوسىلاتىنىن ايتتى، دەپ حابارلايدى قازاقپارات ءتىلشىسى.
«5G ۇيالى بايلانىس ستاندارتىن ەنگىزۋ بويىنشا نۇر- سۇلتان، الماتى جانە شىمكەنت قالالارىندا 11 تەستىك سىناق جۇرگىزىلدى. كەرەكتى جيىلىك دياپازوندارىن بوساتتىق. ارى قاراي وپەراتورلارعا تاراتۋ مەحانيزمى قاراستىرىلادى. سونىمەن نۇر- سۇلتان، الماتى، شىمكەنت قالالارىندا 5G جەلىلەرى 2022 -جىلى ىسكە قوسىلادى. ال وبلىستىق ورتالىقتاردا 2025 -جىلعا دەيىن جوسپارلانىپ وتىر»، - دەدى باعدات مۋسين ۇكىمەت وتىرىسىندا.
ەسكە سالا كەتسەك بۇگىنگى ۇكىمەت وتىرىسىندا پرەمەر- مينيستر اسقار مامين جىل سوڭىنا دەيىن اۋىل حالقىنىڭ %99 نا كەڭ جولاقتى ينتەرنەت قولجەتىمدى بولاتىنىن ءمالىم ەتكەن ەدى.