ەل قازىناسىنا كەدەندىك تولەم مەن سالىقتان 3,5 تريلليون تەڭگە ءتۇستى
بۇل سوما - ەۋرازيالىق ەكونوميكالىق وداق ەلدەرى اراسىندا بولىنگەننەن كەيىن مەملەكەتتىك بيۋدجەتكە قۇيىلعان قاراجات.
سونداي- اق، كوميتەت جانىنان باس ديسپەتچەرلىك باسقارمانىڭ قۇرىلۋى كەدەندىك تۇسىمدەردىڭ مولايۋىنا وڭ ىقپال ەتكەن. قازاقستاننىڭ ءۇشىنشى ەلدەرمەن تاۋار اينالىمى بىلتىر 106 ميلليارد ا ق ش دوللارىنان استى. يمپورت 31,4 ميلليارد دوللارعا جەتسە، ەكسپورت كولەمى 75 ميلليارد دوللارعا جۋىقتادى. سىرتقى ەكونوميكالىق قىزمەتكە قاتىسۋشىلاردىڭ بارلىعىنا تەڭ شارت قولدانۋ كاسىپكەرلەرىمىزدىڭ ىسكەرلىك بەلسەندىلىگىنىڭ ارتۋىنا ىقپال ەتتى. بۇگىندە كەدەندىك شەكاراداعى بارلىق پروتسەسس باس ديسپەتچەرلىك باسقارما ارقىلى قاشىقتىقتان باسقارىلىپ وتىر.
نۇرلىباي سيباعاتوۆ، ق ر ق م م ك ك باس ديسپەتچەرلىك باسقارماسى باسشىسىنىڭ ورىنباسارى:
- مەملەكەت باسشىسى كەدەندە ءتارتىپ ورناتۋ جونىندە ناقتى مىندەت قويدى. باس ديسپەتچەرلىك باسقارما كەدەندىك باقىلاۋدىڭ بارلىق اقپاراتتىق جۇيەلەرى مەن تەحنيكالىق قۇرالدارى قوسىلعان. بۇل بولىمشەنىڭ نەگىزگى ەرەكشەلىگى سىرتقى ەكونوميكالىق قىزمەتكە قاتىسۋشىلاردىڭ بارلىق ءوزارا ءىس- قيمىل مەمەكەتتىك كىرىستەر ورگاندارىنىڭ اقپاراتتىق جۇيەلەرى ارقىلى جۇزەگە اسىرىلادى.
بىلتىر قۇرىلعان باس ديسپەتچەرلىك باسقارما جۇمىسىنىڭ ناتيجەسىندە كەدەندىك باقىلاۋ بارىسىنداعى كەدەرگىلەر جويىلىپ، پروتسەسس اۆتوماتتاندىرىلدى. ادامي فاكتور ازايىپ، اشىقتىق قامتاماسىز ەتىلدى. باستىسى - سىبايلاس جەمقورلىق تاۋەكەلدەرى ازايدى.
ءانۋار شالكەيەۆ، كاسىپكەر:
- الدىڭعى جىلدارى ءبىز ءۇشىن تەكسەرىس باستى ماسەلە بولاتىن. جۇگىمىزدىڭ بارلىعى تەكسەرۋدەن وتەتىن. كونتەينەرلەرىمىز پلاتفورمادان ءتۇسىرىلىپ، ۋاقىتشا ساقتاۋ قويماسىنا قويىلاتىن. ال قويمالار جەكەنىڭ يەلىگىندە بولعاندىقتان، قىمباتقا سوعاتىن. قازىر قالادا دا، شەكارادا دا تەكسەرۋ ازايدى.
ەرلان بەردەشوۆ يمپورتتاۋشى كومپانيانىڭ ديرەكتورى:
- ءبىز قىتاي حالىق رەسپۋبليكاسىنىڭ اۆتوزاۆودىمەن جۇك كولىگى تەحنيكاسىن يمپورتتاۋمەن اينالىسامىز. بۇرىنعى جىلدارعا قاراعاندا قازىرگى تاڭدا كەدەندىك راسىمدەۋ وتە ىڭعايلى جانە جەڭىل بولىپ قالدى. سەبەبى، كەدەندىك راسىمدەۋ كەزىندە ەشبىر تەكسەرۋسىز، يمپورتتالعان تاۋارلاردىڭ % 90- ى جاسىل دالىزبەن وتۋدە. سوندىقتان بىزگە وتە ىڭعايلى بولىپ كەلەدى. تىكەلەي بايلانىس وتە از.
يمپورتپەن اينالىساتىن وتاندىق كاسىپكەرلەر سانى سوڭعى جىلدا 2 ەسەگە ارتىپ، 50 مىڭنان استى. شەكارا ارقىلى وتەتىن كولىك قاتىناسى دا ەداۋىر كوبەيدى. ال ولاردان تۇسكەن تولەم 3 ەسەلەندى ياعني 150 ميلليون تەڭگەگە جەتتى. الايدا، كەدەندىك باقىلاۋ ءتارتىبىن اينالىپ وتۋگە تىرىساتىندار دا جوق ەمەس. بىلتىر ەرەجە بۇزۋ فاكتىلەرى بويىنشا مەملەكەت پايداسىنا 188,7 ميلليارد تەڭگە ءوندىرىلدى.
نۇرلىباي سيباعاتوۆ، ق ر ق م م ك ك باس ديسپەتچەرلىك باسقارماسى باسشىسىنىڭ ورىنباسارى:
- مەملەكەتتىك كىرىستەر كوميتەتىندە قابىلدانعان اشىق كۋرس سىرتقى ەكونوميكالىق قىزمەتكە جەكەلەگەن قاتىسۋشىلاردىڭ قارسىلىعىنا تاپ بولادى. ولار بەلگىلەنگەن ەرەجەلەردى اينالىپ وتۋگە تىرىسىپ قانا قويماي، سونىمەن قاتار ءارتۇرلى شاعىمدار مەن انونيمدەر جانە تاعى دا باسقا ءتارتىپ ورناتۋ بويىنشا جۇمىستىڭ بەدەلىن تۇسىرۋگە تىرىسادى.
سونداي- اق، قازاقستان- قىتاي شەكاراسىنداعى كەدەرگىلەردى جويۋعا ەرەكشە نازار اۋدارىلدى. ەكسپورتتىق دەكلاراتسيالارمەن ونلاين- الماسۋ جولعا قويىلدى. ماسەلەن، 2022 -جىلعا دەيىن ەلىمىز اۆتوكولىكپەن وتەتىن تاۋارلار بويىنشا عانا مالىمەت السا، ەندى تەمىر جول ارقىلى وتەتىن تاۋارلار بويىنشا دەرەكتەر قولجەتىمدى. بۇل باعىتقا يمپورتتىڭ % 80- ءى تيەسىلى. بىلتىر كورشى ەلدەن كەدەندىك تولەمدەر مەن سالىقتار % 62- كە ارتىپ، ءتۇسىم 465 ميلليارد تەڭگەگە جەتتى. قارجى مينيسترلىگىنىڭ مەملەكەتتىك كىرىستەر كوميتەتى وندىرىلگەن بارلىق كەدەندىك تولەمدەردىڭ %98- ءى وداق ەلدەرى اراسىندا بولىنبەي، ەل بيۋدجەتىندە قالاتىنىن اتاپ ءوتتى.
www.24.kz