بيۋجەت تاپشىلىعى جالپى ىشكى ءونىمنىڭ 3,5 پايىز دەڭگەيىندە بولۋى مۇمكىن
بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
ۇقساس جاڭالىقتار توتەنشە جاعداي كەزەڭىندە سالىقتى ماجبۇرلەپ ءوندىرۋ توقتاتىلدى ۇكىمەت مۇناي باعاسىن جىل سوڭىنا دەيىن باررەلىنە 20 دوللار دەڭگەيىندە انىقتادى ۇكىمەت الەۋمەتتىك- «بيۋجەت كىرىستەرىنىڭ تاپشىلىعىن جابۋ جانە داعدارىسقا قارسى شارالار كەشەنىن قارجىلاندىرۋ ءۇشىن 2020-جىلى ۇلتتىق قوردان كەپىلدەندىرىلگەن ترانسفەرتتى 2 تريلليون 70 ميلليارد تەڭگەگە، ياعني 4 تريلليون 770 ميلليارد تەڭگەگە دەيىن ۇلعايتۋ ۇسىنىلادى. سىزدەردىڭ قاراۋلارىڭىزعا رەسپۋبليكالىق بيۋجەتتى ناقتىلاۋدىڭ ەرەكشە ءتارتىبى اياسىندا 2020-2022-جىلدارعا ارنالعان كەپىلدەندىرىلگەن ترانسفەرت تۋرالى زاڭعا وزگەرىستى ەنگىزۋ بويىنشا پرەزيدەنت جارلىعىنىڭ جوباسى ەنگىزىلدى. جالپى، رەسپۋبليكالىق بيۋجەتتىڭ شىعىستارىن بەكىتىلگەن كولەمگە قاراعاندا 1,4 تريلليون تەڭگەگە ۇلعايتا وتىرىپ، 14,3 تريلليون تەڭگە كولەمىندە بولجانادى. بيۋجەت تاپشىلىعى جالپى ىشكى ءونىمنىڭ 3,5 پايىز دەڭگەيىندە 841 ميلليارد تەڭگەگە ۇلعايتا وتىرىپ جوسپارلانادى»، - دەدى رۋسلان دالەنوۆ.
ونىڭ دەرەگىنشە، مۇنايعا قاتىستى ەمەس تاپشىلىق دەڭگەيى جالپى ىشكى ءونىمنىڭ 10,8 پايىزىن قۇرايتىن بولادى.
«جوعارىدا ايتىلعانداردىڭ نەگىزىندە، 2020-2024-جىلدارعا ارنالعان الەۋمەتتىك-ەكونوميكالىق دامۋ بولجامى اياسىندا 2020-جىلعا ارنالعان ماكروكورسەتكىشتەر بولجامىن ناقتىلاۋدى جانە كەپىلدەندىرىلگەن ترانسفەرتتى تۇزەتۋ بويىنشا مەملەكەت باسشىسى جارلىعىنىڭ جوباسىن قولداۋلارىڭىزدى سۇرايمىن»، - دەدى مينيستر.