توعىز ايداعى ەكونوميكالىق ءوسىم 3,4 پايىزدى قۇرادى - اسەت ەرعاليەۆ

نۇر- سۇلتان. قازاقپارات - قاڭتار مەن قىركۇيەك اراسىندا قازاقستان ەكونوميكاسىنىڭ ءوسىمى 3,4 پايىزعا دەيىن جەدەلدەدى.

بۇل تۋرالى ق ر ۇلتتىق ەكونوميكا ءمينيسترى اسەت ەرعاليەۆ ۇكىمەت وتىرىسىندا ايتتى، دەپ حابارلايدى قازاقپارات ءتىلشىسى.

«بيىلعى قاڭتار- قىركۇيەك ارالىعىندا قازاقستان ەكونوميكاسىنىڭ ءوسۋ كورسەتكىشى 3,4 پايىزعا دەيىن جەدەلدەدى. وسى ەسەپتى كەزەڭدى نەگىزگى ترەندتەر بويىنشا قىزمەت كورسەتۋ سەكتورىنداعى ديناميكانىڭ جاندانۋى نارىقتىق سەكتورداعى ءوسۋ قارقىنىڭ ساقتالۋى، ساۋدا بالانسىنىڭ وڭ سالدوسى، نارىقتىڭ نىعايۋى جانە ءوڭدىرۋشى ەمەس سەكتورلارداعى جوعارى ينۆەستيتسيالىق بەلسەندىلىك بايقالۋدا»، - دەگەن ۆەدومستۆو باسشىسى اتالمىش 9 ايدا ناقتى سەكتورداعى ءوسىم 3,5 پايىزعا جەتكەنىن دە اتادى.

«قىزمەت كورسەتۋ سەكتورىندا ىسكەرلىك بەلسەندىلىك 2,9 پايىزعا دەيىن ءوستى. سالالار اراسىندا اقپارات جانە بايلانىس، قۇرىلىس، ساۋدا، سۋمەن جابدىقتان، ەلەكترمەن جابدىقتاۋ، وڭدەۋ ونەركاسىبى جوعارى ءوسىم كورسەتتى. سونداي- اق، اۋىل شارۋاشلىعىندا دا وڭ جوعارى ءوسىم بايقالىپ وتىر»، - دەدى مينيستر.