استاناداعى «ءابۋ-دابي پلازا» قۇرىلىسىندا جۇمىس ىستەيتىن قازاقستاندىقتار سانى 3-4 ەسە ارتادى
20- جەلتوقسانداعى جاعدايعا سايكەس نىساندا اتقارىلعان جۇمىستاردىڭ جالپى كولەمى %82 قۇرايدى. بارلىق بلوكتاردىڭ قۇرىلىسى جالعاسىپ جاتىر. «R» بلوگىندا كىرپىشپەن قالاۋ، ارلەۋ جانە ينجەنەرلىك جۇيەلەردى ورناتۋ جۇمىستارى جۇرگىزىلۋدە.
باسقا بلوكتاردا ينجەنەرلىك جۇيەلەر مەن جابدىقتى ورناتۋ، ارلەۋ جۇمىستارى جالعاسىپ جاتىر. اۋا وتكىزگىش جۇيەلەر، ينجەنەرلىك جۇيەلەر مەن اسپالى پانەلدەر قۇراستىرىلىپ، دايىندالاتىن وندىرىستىك تسەحتىڭ قۇرىلىسى اياقتالعان. ءزاۋلىم عيماراتتى سالىپ جاتقان قۇرىلىس كومپانيالارىنىڭ وكىلدەرى بلوكتاردىڭ قۇرىلىسىن اياقتاۋ مەرزىمىن اتادى.
وسىلايشا، «H» جانە «P» بلوكتارى ناۋرىزدا، «Z»، «O» جانە «Y» بلوكتارى ماۋسىمدا پايدالانۋعا بەرىلەدى دەپ جوسپارلانۋدا.
«R» بلوگىنىڭ قۇرىلىسى 2019 -جىلدىڭ ماۋسىمىندا اياقتالماق. ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتىنشە، قازىرگى تاڭدا «ءابۋ-دابي پلازا» ك ف ك جوباسى بويىنشا 1400 جۇمىسكەر ەڭبەك ەتەدى. ونىڭ %56 - قازاقستان ازاماتتارى.
ايتا كەتۋ كەرەك، 2019-جىلدىڭ شىلدەسىنە دەيىن مۇنداعى جۇمىسكەرلەردىڭ سانى 2350 ادامعا دەيىن ارتادى. بۇل رەتتە جەرگىلىكتى جۇمىسكەرلەردىڭ سانى 3,4 ەسەگە نەمەسە 1605 ادامعا ارتادى دەپ كۇتىلۋدە. ال شەتەلدىك جۇمىس كۇشى 3,6 ەسەگە نەمەسە 745 ادامعا ۇلعايتىلماق.
شىلدەدە جۇمىسكەرلەردىڭ سانىن 3300 ادامعا دەيىن ارتتىرۋ كوزدەلۋدە. ونىڭ 60-65% - جەرگىلىكتى كادرلار.
«ءبىز باسقارۋشى كومپانيامەن بىرلەسىپ، قازىردىڭ وزىندە، ياعني ءبىر جىل بۇرىن عيماراتقا قىزمەت كورسەتەتىن مامانداردى دايارلاۋ جۇمىستارىن باستاۋىمىز كەرەك. ءبىز مامانداردى قازاقستاندىقتاردان الدىن الا دايىنداي الۋىمىز قاجەت»، - استانا اكىمى باقىت سۇلتانوۆ. كەزدەسۋ بارىسىندا بەلگىلى بولعانداي، بۇگىنگى تاڭدا جۇمىسكەرلەرگە جالاقى تولەۋ بويىنشا پروبلەمالى ماسەلە جوق.
«جالاقى بويىنشا قارىزعا قاتىستى ەشقانداي شاعىم جوق. تولەمدەردى ۋاقىتىندا الىپ وتىرعاندىقتان، مەردىگەر بۇعان بارا المايدى»، - دەيدى Aldar Properties PJSC جوباسىن باسقارۋ جونىندەگى اعا ۆيتسە- پرەزيدەنت ابدەل حامميت گوۋل.
«ءابۋ-دابۋ پلازا» كەشەنى ءتۇرلى سالاداعى بلوكتاردان تۇرادى. ماسەلەن، وندا كەڭسەلەر، قوناق ءۇي، مەيرامحانالار، ساۋدا ورتالىعى، تۇرعىن ءۇي كەشەنى ورنالاسادى. كەشەننىڭ قۇرىلىسى 2011 -جىلدىڭ ناۋرىزىندا باستالعان بولاتىن. قۇرىلىس جۇمىستارى 2020-جىلى اياقتالادى دەپ جوسپارلانعان.
«ءابۋ-دابي پلازا» قازاقستان مەن ورتالىق ازياداعى ەڭ بيىك عيمارات بولماق. ونىڭ بيىكتىگى 78 قاباتتى نەمەسە شامامەن 382 مەتردى قۇرايتىن بولادى. «ءابۋ-دابي پلازانىڭ» جالپى اۋدانى 510 مىڭ شارشى مەتردەن اسۋى ءتيىس.