قازاقستاندا التىن ءوندىرىسى قاڭتار-شىلدەدە 3,3 پايىزعا ارتتى

نۇر-سۇلتان. قازاقپارات - قازاقستاندا 2019-جىلدىڭ قاڭتار-شىلدە ايلارىندا وڭدەلمەگەن جانە جارتىلاي وڭدەلگەن نە بولماسا ۇنتاق تۇرىندەگى التىن ءوندىرىسىنىڭ كولەمى 56289 كەلىنى قۇرادى. بۇل 2018-جىلدىڭ وسى كەزەڭىمەن سالىستىرعاندا %3,3 ارتىق، دەپ حابارلايدى قازاقپارات.

ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەگىنە سايكەس، ەسەپتى كەزەڭدە وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىس ءوندىرىسىنىڭ كولەمى 558195 كەلىگە جەتتى. بۇل وتكەن جىلمەن سالىستىرعاندا %3 از.

وڭدەلمەگەن اليۋميني، اليۋميني توتىعى ءوندىرىسىنىڭ كولەمى 2018-جىلدىڭ وسى كەزەڭىمەن سالىستىرعاندا %6,6 تومەندەپ، 965179 توننا بولدى. ال وڭدەلمەگەن تازارتىلعان قورعاسىن ءوندىرىسى %10,3 پايىزعا ازايىپ، 79534 توننانى، وڭدەلمەگەن مىرىش ءوندىرىسى %3,3 ارتىپ، 192258 توننانى قۇرادى. وڭدەلمەگەن تازارتىلعان، قوسپاسىز مىس ءوندىرۋ كولەمى %3,4 پايىزعا ءوسىپ، 270078 تونناعا جەتتى.