قازاقستاندىق ەكسپورتتاۋشىلاردىڭ 3,2 ميلليارد تەڭگە شىعىنى وتەلەدى

None
None
نۇر- سۇلتان. قازاقپارات - قازاقستاندىق ەكسپورتتاۋشىلاردىڭ 3,2  ميلليارد تەڭگە شىعىنى وتەلەدى، دەپ حابارلايدى قازاقپارات ءتىلشىسى.

ق ر ساۋدا جانە ينتەگراتسيا مينيسترلىگى باسپا ءسوز قىزمەتىنىڭ مالىمەتىنشە، 2019 -جىلعى 18 - جەلتوقسان كۇنى «QazIndustry»  ا ق- نا وڭدەلگەن تاۋارلاردى ەكسپورتتاۋشى سۋبەكتىلەردىڭ شىعىنىن وتەۋگە قاتىستى 350 كومپانيادان 578 ءوتىنىم كەلىپ تۇسكەن. ونىڭ ىشىندە 433 ءوتىنىم تاۋارلاردى جەتكىزۋگە بايلانىستى شىعىندار (تاۋارلاردى تەمىر، اۋە، اۆتوموبيل، تەڭىز كولىكتەرىمەن جەتكىزۋگە بايلانىستى جانە تاسىمالداۋدى ۇيىمداستىرۋ بويىنشا شىعىندار)، 145 ءوتىنىم تاۋارلاردى ىلگەرىلەتۋ بويىنشا ءتۇسىپ وتىر.

ايتا كەتەرلىگى، وتاندىق وڭدەلگەن تاۋارلاردى ىلگەرىلەتۋ بويىنشا يندۋستريالىق- يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ قاعيدالارىنا سايكەس، ولارعا: شەتەلدە تاۋارلاردى جارنامالاۋعا جانە ىلگەرىلەتۋگە بايلانىستى شىعىندار؛ قويمانى ۇستاۋعا ارنالعان شىعىندار؛ شەتەلدىك نارىقتاردا تاۋارلاردى تىركەۋگە جانە تەحرەگلامەنتتەرگە سايكەستىككە ارنالعان راسىمدەردەن وتۋگە بايلانىستى راسىمدەردى جۇرگىزۋگە ارنالعان شىعىندار جانە تاعى سول سياقتى شىعىن تۇرلەرى جاتادى.

«قاعيدالارعا وزگەرىستەر ەنگىزىلگەننەن كەيىن «QazIndustry»  ا ق- عا 336 وتىنىمدەر كەلىپ ءتۇستى. 110 كومپانيادان جالپى سوماسى 3,2 ميلليارد تەنگەنى قۇرايتىن ءوتىنىم ماقۇلداندى»، - دەپ اتاپ وتەدى مينيسترلىكتەن.

اۆتور: مارلان جيەمباي

سوڭعى جاڭالىقتار