سوڭعى 3 جىلدا پاۆلوداردىڭ جالپى وڭىرلىك ءونىمى 28 پايىزعا ءوستى - پرەزيدەنت

پاۆلودار. قازاقپارات - سوڭعى 3 جىلدا پاۆلوداردىڭ جالپى وڭىرلىك ءونىمى 3,9 ميلليارد تەڭگەگە جەتتى.

بۇل تۋرالى مەملەكەت باسشىسى قاسىم-جومارت توقايەۆ پاۆلودار وبلىسى جۇرتشىلىعىمەن كەزدەسۋىندە ءمالىم ەتتى، دەپ حابارلايدى قازاقپارات بورت 1 تەلەگرام كانالىنا سىلتەمەمەن.

«سوڭعى 3 جىلدا پاۆلوداردىڭ جالپى وڭىرلىك ءونىمى 28 پايىزعا ءوسىپ، 3,9 ميلليارد تەڭگەگە جەتتى. اۋىل شارۋاشىلىعى، قۇرىلىس، ساۋدا جانە باسقا دا سالالار قارقىندى دامىپ كەلە جاتىر. مۇنىڭ ءبارى جەرگىلىكتى جۇرتتىڭ تۇرمىسى جاقسارىپ، ءال-اۋقاتىنىڭ ارتۋىنا تىكەلەي ىقپال ەتەدى. ەلىمىز قازىر جان-جاقتى الەۋمەتتىك-ەكونوميكالىق رەفورمالار كەزەڭىنە قادام باستى. ءبىز العا قويىپ وتىرعان ستراتەگيالىق مىندەتتەردى جۇزەگە اسىرۋعا پاۆلودار وبلىسى زور ۇلەس قوسادى دەپ سەنەمىن»، - دەدى پرەزيدەنت.