التاي كولگىنوۆ مەترو تۋرالى: 3,25 پايىزبەن نەسيە الامىز

None
None
نۇر- سۇلتان. قازاقپارات - ەلورداداعى LRT قۇرىلىسىن اياقتاۋعا قاجەت قارجىنى 3,25 پايىزدىق نەسيە ارقىلى جابۋ كوزدەلىپ وتىر.

بۇل تۋرالى نۇر- سۇلتان قالاسىنىڭ اكىمى التاي كولگىنوۆ ورتالىق كوممۋنيكاتسيالار قىزمەتىندە وتكەن بريفينگىدە ءمالىم ەتتى، قازاقپارات ءتىلشىسى.

« LRT جوباسى وتە كۇردەلى ەكەنىن، ۇلكەن كاپيتالدى قاجەت ەتەتىنىن بىلەسىزدەر. ءبىراق باستالعان ءىستى اياقتاۋىمىز كەرەك. 2016 -جىلى كونتسورتسيۋممەن جانە بانكتەرمەن كەلىسىشارت بەكىتىلگەن. كەلىسىمشارت قا قول قويىلعانىمەن، كەيبىر بانكتەرگە پروبلەماعا بايلانىستى جوبا ۋاقىتشا توقتاتىلعان بولاتىن. قازىر بانكتەر ارقىلى ينۆەستيتسيا تارتۋ بويىنشا جۇمىس جالعاسىپ جاتىر. جوبانى اياقتاۋىمىز كەرەك. تولىق اقپارات بەرەيىن. جوبانىڭ قۇنى 1,8 ميلليارد دوللار تۇرادى، ونىڭ ىشىندە 347 ملن دوللار قازىردىڭ وزىندە يگەرىلىپ قويعان. و باستا نەسيە 4,9 پايىزبەن قىتاي دامۋ بانكىنەن الىنعانىن بىلەسىزدەر. كەيىن ءبىز ۇنەمدەۋ تۋرالى شەشىم قابىلدادىق»، - دەدى اكىم.

سونداي- اق، ول جوبانى قايتا قاراۋ كەزىندە قانشى قاراجات ۇنەمدەلگەنىن اتادى. ء«وز ەلىمىزدەگى ەكىنشى دەڭگەيلى بانكتەردەن 3,25 پايىزبەن وبليگاتسيالىق قارىز الۋ بويىنشا جۇمىس ىستەپ جاتىرمىز. ياعني بۇل 4,9 پايىزدان الدەقايدا از. ونىڭ ۇستىنە قارىزعا قىزمەت كورسەتۋ بويىنشا 800 ميلليون دوللار ۇنەمدەيتىن ەدىك. ودان بولەك EPC كەلىسىمشارتى بويىنشا 200 ميلليون دوللار جانە ۇنەمدەدىك. ستانسيالار مەن ۆاگونداردىڭ سانىن قىسقارتۋ ارقىلى 150 ميلليون دوللار ۇنەمدەلدى»، - دەدى التاي كولگىنوۆ.

قالا باسشىسى جوبانى اياقتاۋ ءۇشىن 1 ميلليارد دوللار كولەمىندە قارجى تارتۋ كەرەك ەكەنى تاعى ءبىر ەسكە سالدى.

« LRT - نىڭ قازىرگى كۇيى قالانىڭ ساۋلەتىنە ءسان كىرگىزىپ تۇر دەۋ قيىن. بۇعان دەيىن قانشاما قارجى سالىندى؟! كەلەشەكتە قالانىڭ قوعامدىق كولىگىن دامىتۋ ءۇشىن، ەكولوگيالىق تازا كولىكپەن قامتۋ ءۇشىن بۇل قاجەت. تۇرعىنداردىڭ سانى ءوسىپ كەلە جاتقانىن دا ەسكەرۋ قاجەت. قازىر قالادا 1 ميلليون 200 مىڭ ادام بار. الداعى 10 جىلدا 2 ميلليون ادامعا جەتۋى مۇمكىن. ءدال وسى LRT وتەتىن سول جاعالاۋدا قۇرىلىستىڭ تىعىزدىعى ارتىپ كەلەدى. بىلتىرعى پاندەميا جىلىنىڭ وزىندە ەسىل اۋدانىنىڭ حالقىنا 40 مىڭ ادام قوسىلدى. وڭىرلەر ولشەمىمەن الساق، بۇل ەكى اۋداننىڭ حالقى دەگەن ءسوز. حالىق ءوسىمى ءالى جالعاسىپ جاتىر»، - دەگەن اكىم كەلىسسوزدەر جۇرگىزىپ جاتقان باكنتەردىڭ اتىن اتاۋدان باس تارتتى.

«جوبانى ءتۇبى اياقتايمىز. قازىر بانكتەرمەن جۇمىس ىستەپ جاتىرمىز. سولاردىڭ ءوتىنىشى بويىنشا ناقتى قانداي بانك ەكەنىن ايتا المايمىز. كەلىسىمشارتقا قول قويىلعان كەزدە عانا اقپاراتىن بەرەمىز. ناقتى ايتساق، بانكتەر كونسورتسيۋمىمەن جۇمىس ىستەپ جاتىرمىز. سولاردىڭ ءوتىنىشى بويىنشا جاريالامايمىز. كەلىسىم مىناداي مازمۇندا ءجۇرىپ جاتىر. بۇعان دەيىن ءبىر قارىزدان باس تارتتىق قوي. ونىڭ مولشەرلەمەسى 4,9 پايىز بولسا، بۇل جولى 3,25 پايىز بولادى»، - دەدى ەلوردا باسشىسى.

اۆتور: ەسىمجان ناقتىباي

سوڭعى جاڭالىقتار