اتى شۋلى 3 ميليارد تەڭگەگە سالىنعان مەكتەپ 1-قىركۇيەكتە وقۋشى قابىلدايدى - اكىمدىك

None
None
نۇر- سۇلتان. قازاقپارات – ق ر وقۋ- اعارتۋ مينيسترلىگىنىڭ باسپا ءسوز قىزمەتى الماتى وبلىسىنىڭ تالعار اۋدانىنداعى اتى شۋلى مەكتەپتىڭ تاعدىرىنا بايلانىستى تۇسىنىكتەمە بەردى، دەپ حابارلايدى قازاقپارات ءتىلشىسى.

قازاقپارات ساۋالىنا جولداعان جاۋاپتا مينيسترلىك ماماندارى اتالعان ءبىلىم وشاعىنا بيلىك وكىلدەرى بارىپ، شولۋ جۇرگىزگەنى ايتىلعان. شولۋ جاساعاندار شاتىردان سۋ اعىپ، توبەنىڭ ءىسىنىپ كەتۋى، ارلەۋ ماتەريالدارىنىڭ قابىرشىقتالىپ ءتۇسۋى نوسەر جاڭبىردىڭ كەسىرىنەن بولعان دەگەن قورىتىندىعا كەلگەن. مەكتەپ سالۋعا اقشا ءبولۋ جانە ونى قولدانىسقا قابىلداپ الۋ جەرگىلىكتى اكىمدىكتىڭ قۇزىرىنداعى شارۋا ەكەنى دە ايتىلعان.

ال الماتى وبلىسىنىڭ ءبىلىم باسقارماسى مەكتەپ عيماراتىنىڭ تەك ءبىر كورپۋسىندا عانا قابىرعا شىتىناعانىن العا تارتادى. ولقىلىقتى جويۋ ءۇشىن اقاۋ شىققا بولىكتى بۇزىپ، قايتا سالۋ جۇمىستارى ءجۇرىپ جاتقان كورىنەدى.

«BI Global» ج ش س ماماندارى تەكسەرۋ جۇرگىزدى. اقاۋلاردى انىقتاپ، قوسىمشا ماتەريال اكەپ، كەمشىلىكتەردى تۇزەتۋ جۇمىستارى باستالىپ كەتتى. اباتتاندىرۋ جۇمىستارىنداعى جانە شاتىرداعى كەمشىلىكتەر 18-تامىزعا دەيىن جويىلادى. كيىم اۋىستىراتىن بولىكتەگى اقاۋلار 25-تامىزعا دەيىن تۇزەتىلەدى. 1-قىرۇيەكتە مەكتەپ وقۋشىلاردى قابىلداپ، ساباق باستايدى»، - دەپ جازىلعان الماتى وبلىسى ءبىلىم باسقارماسىنىڭ باسپا ءسوز قىزمەتى ۇسىنعان اقپاراتتا.

سوڭعى جاڭالىقتار