اقتوبەدە 3 كۇندە 100 گە جۋىق تابيعاتتى قورعاۋ زاڭدىلىعىن بۇزۋ دەرەگى انىقتالدى

اقتوبە. قازاقپارات - اقتوبەدە ۇيىمداستىرلعان «براكونەر» جەدەل الدىن الۋ شاراسى كەزىندى كيىكتىڭ لاعىن سويىپ العان كۇدىكتى ۇستالدى، دەپ حابارلايدى قازاقپارات ءتىلشىسى.

6-قاڭتار مەن 5-اقپان ارالىعىندا وڭىردە «براكونەر» شاراسى وتەدى. ءۇش كۇندە 100 گە جۋىق تابيعاتتى قورعاۋ زاڭدىلىعىن بۇزۋ دەرەگى انىقتالدى. ونىڭ 27 ى زاڭسىز بالىق اۋلاپ، 53 ى جانۋارلار دۇنيەسى مەن اڭشىلىق تالابىن بۇزۋمەن بايلانىستى.

«2-قاڭتار كۇنى ىرعىز اۋداندىق پوليتسيا بولىمىنە «وحوتزووپروم» مەكەمەسىنىڭ ينسپەكتورلارىنان حابارلاما ءتۇستى. «اتانشي» قىستاعى ماڭىندا كيىك لاعىنىڭ ولەكسەسى تابىلدى، ءمۇيىزىن كەسىپ العان. ىزدەۋ جۇمىستارى كەزىندە 45 جاستاعى قىزىلوردا وبلىسىنىڭ تۇرعىنى ۇستالدى. ونىڭ كولىگىنەن كيىك تەرىسى تابىلدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

اتالعان دەرەك بويىنشا قىلمىستىق كودەكستىڭ «زاڭسىز اڭشىلىق» بابىمەن تەرگەۋ باستالدى.