الماتىدا كاسىپكەردەن 2 ميلليون تەڭگە بوپسالاعان «قىلمىستىق تورتتىك» ۇستالدى
ارنايى ءىس- شارا بارىسىندا وسى قىلمىستى جاسادى دەگەن كۇدىكپەن ءتورت ەر ادام ۇستالدى. ولاردىڭ ۇشەۋى بۇرىن قاراقشىلىق شابۋىل، دەنساۋلىققا اۋىر زيان كەلتىرۋ جانە بوتەننىڭ مۇلكىن ۇرلاۋ بويىنشا ءىستى بولعاندىعى بەلگىلى بولدى.
«كۇدىكتىلەر فيزيكالىق كۇش قولدانامىن دەپ قورقىتىپ، كاسىپكەر 21 جاستاعى ك. ەسىمدى ازاماتتان 2 ميلليون تەڭگە كولەمىندە اقشا بوپسالاعان. كۇدىكتىلەر سۇراعان سومانىڭ ءبىرىنشى بولىگىن بىردەن العان، قالعانىن تابۋ ءۇشىن 20 كۇن ۋاقىت بەرگەن. بوپسالاۋ دەرەگى ق ر ق ك- ءنىڭ 194-بابى 2-بولىگىمەن تىركەلدى. جەدەل جانە ارنايى شارالار كەشەنى جۇرگىزىلدى. «قىلمىستىق تورتتىكتىڭ» قىلمىستىق ارەكەتتەرى قۇجاتتالدى. ولار قىلمىس ۇستىندە ۇستالدى. ق ر ق پ ك- ءنىڭ 128-بابىنا سايكەس كۇدىكتىلەر ۋ ۇ ي- عا قامالدى. اتىس قارۋىن زاڭسىز ساقتاۋ دەرەگى انىقتالدى. ساراپتامالار تاعايىندالدى»، - دەدى مەدەۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.