ديكي ارماندى قاماۋدا ۇستاۋ تاعى 2 ايعا ۇزارتىلدى

الماتى. قازاقپارات- «ديكي ارمان» لاقاپ اتىمەن تانىمال ارمان جۇماگەلديەۆتى قاماۋدا ۇستاۋ مەرزىمى 2023 -جىلدىڭ 7-تامىزىنا دەيىن ۇزارتىلدى، دەپ حابارلايدى قازاقپارات ءتىلشىسى.

«الماتى مامانداندىرىلعان اۋدانارالىق تەرگەۋ سوتىنىڭ 2023 -جىلعى 5- ماۋسىمداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ د. -عا قاتىستى قىلمىستىق ءىس ماتەريالدارىمەن تانىسۋ كەزەڭىندە قاماۋدا ۇستاۋ مەرزىمىن 2023 -جىلدىڭ 7-تامىزىنا دەيىن ۇزارتۋعا سانكتسيا بەرۋ تۋرالى ءوتىنىشى قاناعاتتاندىرىلدى» ، - دەلىنگەن الماتى قالالىق سوتتىڭ باسپا ءسوز قىزمەتى ۇسىنعان مالىمەتتە.

ەسكە سالايىق، بىلتىر 7- قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ بەدەلدىسى ارمان جۇماگەلدييەۆتى ۇستاعان بولاتىن. كەيىن قر باس پروكۋراتۋراسى «ديكي ارمانىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن جەتكىزدى.