جىل باسىنان بەرى تەڭگەنىڭ دوللارعا قاتىستى باعامى %2 عا نىعايدى - ۇلتتىق بانك
مۇنى ۇكىمەت وتىرىسىندا ق ر ۇلتتىق بانكى ءتوراعاسىنىڭ ورىنباسارى ۆيتالي تۋتۋشكين ايتتى، دەپ حابارلايدى قازاقپارات ءتىلشىسى.
«جىل باسىنان باستاپ ءساۋىر ايىنىڭ سوڭىنا دەيىن تەڭگەنىڭ دوللارعا قاتىستى باعامى 1 دوللار ءۇشىن 453,21 تەڭگەگە دەيىن، ياعني %2 عا نىعايدى. ۇلتتىق بانك ۆاليۋتالىق ينتەرۆەنتسيالار جۇرگىزگەن جوق. ۇلتتىق ۆاليۋتانىڭ نىعايۋى «سالىق كەزەڭى» فاكتورىنا جانە شەتەلدىك ينۆەستورلاردىڭ قازاقستاننىڭ مەملەكەتتىك باعالى قاعازدار نارىعىنا كىرۋىمەن بايلانىستى بولدى. بەيرەزيدەنتتەرگە تيەسىلى سالىمداردىڭ كولەمى جىل باسىنان بەرى 126 ميلليارد تەڭگەگە ۇلعايدى»، - دەدى ۇ ب ءتوراعاسىنىڭ ورىنباسارى.
ۆيتالي تۋتۋشكين ايتۋىنشا، تەڭگەنىڭ نىعايۋىنا نەگىزگى ەكى فاكتور اسەر ەتتى.
«بىرىنشىدەن، ق ر مەملەكەتتىك باعالى قاعازدارىنا شەتەلدىك ينۆەستورلاردىڭ اعىنى بايقالادى. ەكىنشىدەن، قاڭتار- ءساۋىر ايلارىندا كۆازيمەملەكەتتىك سەكتور سۋبەكتىلەرىنىڭ 1,3 ميلليارد ا ق ش دوللارى سوماسىنا ۆاليۋتالىق ءتۇسىمدى ساتۋى جانە ۇلتتىق قوردان رەسپۋبليكالىق بيۋدجەتكە 2,1 ميلليارد دوللار مولشەرىندە ترانسفەرتتەردى قامتاماسىز ەتۋ ءۇشىن ۆاليۋتانى ساتۋى تەڭگەگە قولداۋ كورسەتتى»، - دەپ توقتالدى ۆيتالي تۋتۋشكين.
بۇعان قوسا، ول قازاقستانداعى ينفلياتسيا دەڭگەيى %16,8 عا دەيىن باياۋلاعانىن اتاپ ءوتتى.