ەلوردا اۋەجايىندا زاڭسىز تاكسيست 2 تاۋلىككە قاماۋعا الىندى

None
استانا. قازاقپارات - ەلوردا اۋەجايىندا زاڭسىز تاكسي قىزمەتىمەن اينالىسقان جۇرگىزۋشى ەكى تاۋلىككە قاماۋعا الىندى، دەپ حابارلايدى قازاقپارات Polisia.kz-كە سىلتەمە جاساپ.

«استانا قالاسى اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى پاترۋلدەۋ بارىسىندا 1№ تەرمينالدا ەلوردانىڭ 37 جاستاعى تۇرعىنىن انىقتادى. ول اۋەجايدان شىعا بەرىستە جولاۋشىلاردىڭ مازاسىن الىپ، تاكسي قىزمەتىن ۇسىنىپ، ءتارتىپ ساقشىلارىنىڭ ەسكەرتۋلەرىنە قۇلاق اسپاعان.

سونىمەن قاتار ەر ادام پوليتسيا بولمەسىنە جەتكىزۋ كەزىندە پوليتسەيلەردىڭ زاڭدى تالاپتارىنا باعىنباعان.

وعان قاتىستى ق ر ا ق ب ت ك- ءنىڭ 449-بابىنىڭ 1-بولىگى (قوعامدىق ورىنداردا ءتيىسۋ) جانە 667-بابى 1-بولىگى (قۇقىق قورعاۋ ورگانى نەمەسە ارناۋلى مەملەكەتتىك ورگان، اسكەري پوليتسيا ورگانى، مەملەكەتتىك فەلدەگەرلىك قىزمەت قىزمەتكەرىنىڭ (اسكەري قىزمەتشىسىنىڭ)، سوت پريستاۆىنىڭ، سوت ورىنداۋشىسىنىڭ زاڭدى وكىمىنە نەمەسە تالابىنا باعىنباۋ) بويىنشا اكىمشىلىك حاتتامالار تولتىرىلدى.

استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن قۇقىق بۇزۋشى ەكى تاۋلىككە قاماۋعا الىندى»، - دەلىنگەن پوليتسيا اقپاراتىندا.

ەسكە سالايىق، 2- ساۋىردە زاڭسىز تاكسي قىزمەتىمەن اينالىسقان تاعى ءبىر جۇرگىزۋشى استانا اۋەجايىنداعى پوليتسيا قىزمەتكەرلەرىنىڭ زاڭدى تالابىنا باعىنباي، اكىمشىلىك جاۋاپكەرشىلىككە تارتىلعان بولاتىن.

جالپى جىل باسىنان ەلىمىزدىڭ اۋە جانە تەمىرجول كولىگى نىساندارىندا كولىك پوليتسەيلەرى قوعامدىق ورىنداردا ادامداردىڭ مازاسىن العانى ءۇشىن 778 تۇلعانى اكىمشىلىك جاۋاپكەرشىلىككە تارتتى. ونىڭ 220 سى - زاڭسىز تاكسي جۇرگىزۋشىسى.

سوڭعى جاڭالىقتار